السلام عليكم ورحمة الله وبركاته ..
في البداية ياليت اللي يدخل يدعي بالرحمة والمغفرة لروح أمي الله يرحمها ولجميع موتى المسلمي عسى ربي يتقبل منها بهالأيام المباركة ويجزاها كل خير..
أصعب فراق بالدنيا ..
فراق الأم ..
أغلى البشر .. أصدق عاطفة بالكون .. أحن قلب .. أدفى حضن .. أصدق مشاعر وإحساس .. صعب ..
طرت لي تربةٍ حلو ثراها ***** عسى ربي من غيومه سقاها
طرى لي قبر محمول التهايا ***** آلا ياويـــل روحي واعناها
أزاور قبرها في كل ساعة ***** وصار القبر غالي من غلاها
تزيد أجروح قلبي يوم أجيها ***** وأقبــّـــل رملها ويا حصاها
أكلمها ولا تسمع كلامي ***** ولا تدري بروحي ويش لفاها
لفاها هم وهوجاس وعلــّــه ***** وحتى العين خايف من عماها
آلا وشلون نسلى كيف نسلى ***** وجرح الروح مفقودٍ دواها
آلا وشلون ننسى كيف ننسى ***** وروحي زايد فيها شقاها
هي اللي دايماً تتبع رضايا ***** وأنا صافيتها وأتبع رضاها
ولكن القدر لا بدّ منـّـه ***** أقول اللي خلقها هو خذاها
بقى تذكار حبي لرحيله ***** ثبت بالقلب مايرحل معاها
بقى ذكرى عيوني في عيونه ***** حشى لله قلبي مانساها
آلا ياقبر ما والله أنسى ***** وشلون أم الولد تنسى ضناها
آلا ياقبر لاتجرح جسدها ***** طلبتك لاتسبب في غثاها
حسايف جسمها الناعم حسايف ***** حرام الدود يأكل من حشاها
ترفق زينها حذرى دماره ***** آلا ياقبر لا ينفذ حلاها
يقوله من فقد كلّ السعادة ***** على فقدانها يكتب رثاهـا
كتبت اللي جرى لي بالقصيدة ***** لأجل يدري بحالي من قراها
العرض الشجري