[align=center]
تقولين ... نسيتك
لاتقولين ... وتعاتبين
ليه العتب
وانتي لعيوني
اقرب من الهدب
مارضيتي...
بالقدر وحكم الظروف
ومادريتي...
إن الي يمنعني عنك مجرد خوف
خوفي الناس (يقولون):
و(يحسدوني)اني حبيتك
والا انا مانسيتك
انتي في عيوني
نجمة سماي
وشمس كوني
وانتي عطر هواي
راحتي ومناي
وغلاك في قلبي
في شرياني ... والوريد
والله انه ياحبي
كل يوم يزيد
ولو قلتي:
نسيتك...كيف انسى
صوتك ... حسك ... والتغريد
حتى لو كنت في منفا
اشوفك من بعيد
وتراي كنت .. هنا .. وكنت هناك
من شمالك ليمناك
تراي عاهدتك ووفيت
انتي ياللي من جمالك
تزرعين القاع بالورود
انتي ياللي من حنانك
تنفجر بصدري لكِ سدود
مانسيتك..
ومستحيل انساك .. ولا.. اخون
وشوقي لكـِ
هو دليلي
في نهاري وليلي
اسولف عنك
من سنين..
من عرفتك ..الى الحين!
كنت اسولف لزماني
انك انتي الأمان
كنت اسولف لمكاني
انك انتي الأوطان
كنت اسولف لوجداني
انك انتي الحنان
:يا احلامي والأماني:
كنت اسولف
للارض لجبالها .. ورمالها
والوديان..
عنك انتي كنت اسولف
للأغصان
لشجر..للمطر
لفراشة البستان
كنت اسولف لسهر
انك انتي اجمل لحظات العمر
ومن فراقك
كنت اعاني ..
وكنت احكي للثواني
إن البعد هو الأناني
ابعدك عني!؟
ماحسيتي..
اني عطشان .. وإن دموعي نهر
عايش على أمل اللقا
وإن ألأمل مايطفي الضماء
وفي عيوني الحقيقه
خايف تصبح سراب
ابعد من نجوم السماء
تتلاشى مثل السحاب
ياليالي العمر
اعيدي افراحي
امحي جراحي
فحين القاها
تكتمل افراحي
حين القاك ياغلاتي
تحقق آمالي
وتشرق حياتي[/align]
العرض الشجري