السلام عليكم ..
اعرف مدى تقصيري في الحضور الادبي ..
وتقصيري بالزياره ..
اهديكم هذا النص ..واتمنى ان يكون به حضورا يلغي العتب
ياصاحبي مرّت علي المعـــاسير ..
==============الليل موحش والليالي كآبـــه ..
مافيه ضحكه تسرق القلب وتطيــر..
=============تاخذ جروحي وتغسلها سحابه
مابين همي والهوى والمشاوير
============= رحلة طويله والنتايج تشابه
الحظ واقف واشهد انّه مع الغير
============وانا مع جروح الزمــان وسرابه
متى تجينا هالبلابل مسايير
============== وافرد غصون القلب عز ومهابه
تضحك صباح ويمسي بليلنا الخير
=============== يصبح مسانا اغنيات وربابه
صدري شجر واحلام قلبي عصافير
=============لاغابت الشمس ونويت الكتابه
يسيل حبري ماشكيت التعابير
=============لكنّي اسأل مالقيت الاجابه
اسهر الين الصبح ياتي على خير
============= والهم ناب وهالليالي ذيابه
والصبر دلوي مع هبوب المقادير
============= =والبير يخفي ماحسبنا حسابه
وان طالت المده على وقفة البير
==============ذنبي شموخ ماقويت اجتنابه
ماينحني راسي ولاارجي الغير
==============رزقي قليل وساترتني ثيابه
ياصاحبي ماعاد للذنب تبرير
============== كثرت فروعه وانتشر بي خرابه
جتني طعونه في عروقي طوابير
======== ====وانا ارتّب دورها..بالاصابه
الحق علي ان كان للوضع تبرير
============ملّيت من درب الغموض وعذابه
محبكم..
العرض الشجري