[poem=font="Simplified Arabic,5,darkred,bold,italic" bkcolor="transparent" bkimage="backgrounds/1.gif" border="groove,4,black" type=1 line=0 align=center use=ex num="0,black"]
كل شي وله مجال وكل هاجس له جواب = وان سأل هاجس ضميري لا حشى ما اكذب عليه
قال لي كيف المحبه قلت تفتر بالعتاب = وصاحبك وان باع حبك لا يجيك ولا تجيه
هكذا طبع المحبه تنتهي عز الشباب = تنتهي قبل الخفوق اللي عطش مايرتويه
قال وش حال الوفا كيف الوفا أبعد وغاب = قلت لا تسأل عليه ويحسبون انك سفيه
الوفا كلمه عزيزه بس غابت والغياب = طال والنسيان قفى به وحجز ساعديه
قال كيف الجو قلت الجو مليانن ضباب = كيف يصفى جونا والطفل يصرخ ليه ليه
ليه حالي كل يوم يزيد فيه الإكتئاب = والعراق اضحى تعيس ومالقى من يحتويه
انتضر جية أسودن شامخه لا ما تهاب = تردع الغاشم ويرجع منهزم رافع يديه
قال قال وقلت وقف ليه تفتح كم باب = ياهجوسي خلها بالقلب واللي فيه فيه
خلها بين الضروس ولا تجي من تحت ناب = خلها تبقى سجينه بين لا يمكن و إيه
لا تخلي نصنا يخرج عن اللي بالكتاب = خلها بيني وبينك ياهجوسي يا نبيه
خلها من بيننا من دون باب ولا حجاب = واضحن لك وانت واضح صح هذا اللي تبيه[/poem]
العرض الشجري