بسم الله الرحمن الرحيم
لي زوجة حبه يتــل المعــاليق
عرسي عليها العام باول شباطي
من روحته والزاد بالبيت ماذيق
ولا اميز العلم القوي والخراطي
بياض وجهه من بياض الغرانيق
وخدودها ياخوي مثل الطمــاطي
والصدر يزهابه عذاب العشاشيق
والردف زامي فوقة الخصر واطي
ومدرسه مع زين كل التخاليق
وزود على هذا تعـرف الخياطي
وجابت رويتبها وصفـقت تصفيق
تسـعة الاف كلهن بالمــغاطي
وصكت عليه بغرفته بالصناديق
وغطت على صندوقهن بالبساطي
وديتها تشري قدور واباريق
وانا نصيت البيت يم الشناطي
واخذت سبع الاف معهن تلاحيق
وخليت الف وخمس معهن افراطي
عرفت وقالت عندك اليوم ماليق
واللة لوتربط برجلي ارباطي
وانا عرفت اني توهقت توهيق
ياالله يارب اتهديـن الصراطي
وقالت لخوها كل شي بتوثيق
وجاني حلال القوم راع النشاطي
ثمن ضربني ضربة تييبس الـريق
وقام وفرشني فرشتة للــسماطي
وقام يتوطاني بليا ترافيق
و يرجد علي ويمسحن بالبلاطي
وا وجس بصدري عقب ضربه حشاريق
قمت اتنفس عقبها من اباطي
لي تسعة ايام وانا بي تشاهيق
عجزت اسولف كن فيني اصقاطي
براسي صعارير اسواة الزرانيق
ومضارب بالبطن مثل المقاطي
ولا ضاق صدري قمت اجمع طوابيق
و الى توسع قمت اجمع قــواطي
انا احمد الله بدّل الضوق بالضيق
والهم من راسي نزل للمواطي
انتضر ردودكم
صوره مع التحيه لازواج المعلمات ؟؟؟
العرض الشجري