[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[align=center]ياصعب ماأصعبك لـو قلـت ماأيسَـرك
مدام عشتك بأنفاسـي زفيـر وشهيـق
ماتدري إني أنتظر ساعات وآنا أنطـرَك
وإن جيت في جيّتك جبت الفرج للغريـق
ياكثر ماأبقى معك بالشوق لين أسهـرَك
وإذا سهرتك ظما بالشـوق يبتّـل ريـق
ماأنام لين الخفوق إن جيت يستشعـرَك
كن السهر في غيابك لي خسير وصديـق
اللي عطاك الخفوق بِذمتـك وش تـرَك
إن كان مـالاق قلبـه مابقـى مايليـق
كتبـت لـك بالغـلا والـود مايبـهـرَك
وخليت عيني على شوفك تنـام وتفيـق
وروّضت شعري على شانك ولأجلك برَك
وعلقت جزله على صدرك وجاله بريـق
ياورد مافي الورود اللـي قـدر يقهَـرك
لو كانت أغلب ورود الأرض تعطي رحيق
لن أنت غير الورود إن جبت جبت آخرَك
لك ميزةٍ تترك الغالـي بجنبـك عتيـق
يبطي ترى صاحب الأزهـار ماأحضـرَك
لأنك مميز ومابعد إنخلـق لـك شقيـق
بيني وبينـك حنيـن وعامـلٍ مُشتـرَك
قلبي إذا ضقت صدقني أحسّـه يضيـق
البارحه ضاق صدري لين نومـي فـرَك
والنفس عيّت لتمليـل السهـر لاتطيـق
كنـي أنـا والخفـوق إنعيـش مُعتـرَك
بين إختيارك حبيت وبين كونـك رفيـق
بس أنت مهما يكن فـي داخلي مكبـرَك
لاياخذ الشك في قلبـك مجـال وطريـق
ولا توقّـع أبـد إنـي أنــا بهـجـرَك
إلا إذا كان عهـدك لِـيّ ماهـو وثيـق
تركت بعض الأماكـن لجـل ماأخسـرَك
أبيك تبقى على طول العمر لـي صديـق
وإذت تعذرت صدقنـي مـراح أعـذرَك
ماأبي أكون بطريق وصاحبي في طريـق
الشاعر/ الذيابي[/align][/poem]
العرض الشجري