انا يـامـا دورتك
بين وجوه الناس ..
تخيلتك ..
من كثر شوقي وظماي
على هذا وذاك شبهتك ..
رميت عيوني على خطاي
تدور بين الملأ ..حتى طيوفك
من كثر ماانفاسي .. نطقت حروفك
ولـكـن ..
...*** خذاك البعد ياغايب .. خذاك الوقت والنسيان ***...
انا كم ليله تشهقت باسمك ..
و نـاديـتك
تمنيتك اول من يهنيني
عشان تزود افراحي
دورت عنك تواسيني
عشان تبري اجراحي
يـاما ويـاما تمنيتك ..
ولـكـن ..
...*** خليتني وحدي .. دمعي على خدي ***...
انا باشواقي كنت احترق
ادور اعذار عشان اجيك
ودي اخبرك كل اللي صار
سواليفي وعلومي .. احطهم بين يديك
ابيك تضحك او تجاملني !!
ابيك تسال او تعاتبني !!
مو مهم تسمعني ..
المهم تكون جمبي .. تفرحـني
ولـكـن ..
...*** طوفت لك مره ومره ومرات .. وصبرت بس اليوم ماظنتي بصبر ***...
فجاه احساسك تغير
وصرت انسان ثاني !!
اغيب احضر ماهمك
همك بـس ماتلقاني ؟؟
لقيتك تصدم احساسي
بكلام وتصرف قاسي
حبـيـبي ..
ليـش بهالاسلوب تعاملني ؟؟
انا ماخنتك ؟؟ ولا يوم اهنتك
حتى في بالي .. في بالي .. صنتك !!
متى كسرت خاطرك ؟؟
قلي متى اخطيت ؟؟
اذكرلي مره جرحتك ؟؟
وخليتك ومشيت
لـيـش . .
..**** صرت معدن من بعد منته ذهب .. صرت خالي مالهوى وشو بلاك ***...
خـلاص ..
مثل ماتحب .. اللي يرضيك
ببتعد عنك .. وبخليك
ولكن ماتجيني نادم ..
او تجيني ولهان
او تبكي من الاسى
وتطلب الغفران
...*** كانك انته نسيت .. عمري ماراح انسى ***...
انك في احوج اوقاتي لك .. عـفتـني
بـسـيـطـه . .
...*** روح وروح ابعد بدنياك .. يامتعب قلبي بصدك ***...
اما انا . .
...*** ابشكي للعرب فرقاك .. وبضحك عند عذالك ***...
بـس لاتنسى انك في يوم زعلتني .. وقتـلتـني
العرض الشجري