ياللي سكن مابين عيني والاهــــــداب
شـــرف .. وقال القلب يامرحبــــا به
بااعطيك قصة عااشق عاش منصاب
قبل الهوى والحب ... كل يهــــــــابه
قـــــد خوفونا قالوا ( الحب غلاب )
ألين صــــــرنا ..... بالمحبة غلابة
وبعـــــدما حبيت والقـــلب لـــــــه ذاب
غــــــــاب وخذاه الوقت وابقى عذابه
زمــــــــاني اللي قد غرس داخلي ناب
ليتك .. بتنزع يا أريش العـــــين نابه
وتصــــــير لي في دينتي مزن وسحاب
واصبح .. انا لك في حيـــاتك سحابه
الناس حولي .. خلوا القــــلب مرتاب
وعشـــــــت .. ما بين القلق والرتابة
واحــــــــــد يؤكد(بالحِلْفْ قول ) كذاب
والثـــاني :اتعــــــبني وأنا اطرد سرابه
والثــــالث : احــــذر لك تزينه الالقاب
وإذا تحـــــــــدث .. مثل صوت الربابه
واليا بغيته .. وانت محــــتاج له غاب
وإذا بغــــــــاك .. اقبل ورا ظرف جابه
والرابع لســــــانه سليط .. ومغـــــتاب
وان جـــــاه لومك .. قـــال هذي دعابه
من عاد اصدق(يوم قالوا)الزمن عاب
لا والله الا العــــــــيب .....فيمن يعابه
حياتنا اضــــــــحت كلها ...لوم وعتاب
حتى اللبيب اخــــــــتل ...وافقد صوابه
رااقت لي
ياللي سكن مابين عيني والاهــــــداب...
العرض العادي
