كلمة أحبك غاليه بين الأحباب.
لاقالها خلي أحس بغلاها.
أعطش لها دايم وأدور لها أسباب.
أبيه ينطقها يردد صداها
كن العسل من شفته فوقها ذاب.
زود على كلمة أحبك حلاها.
ياليتني وياه في صفحة كتاب.
قصة غرام وكل عاشق قراها
الصعود لمنكب الغيم يحتاج لهويّه وأنا لادار وبلا حتى قضيّه غير قلبي .! كنت أسولف له عليّ ويرجع يسولف عليّه لين ضيعتْ السوالف .. والكتابه لين ضاقت بي الحروف الأبجديه وإنكفيتْ أرسم على الريح / السوافي وجه طفله زمْل هم .! وأنقش لهذا البلد في داخلي شكل وهويهْ وأقول : إن غِبتْ يصبح للظلال شعور .! ويصبح للأماني سور .! ويتكثّف غناي وحيل يثقل بي وإحس إني : ولاعصفور مر بنافذة صبحي أحدق في مرايا البيت عن قبحي .! وتدخل عالمي وحدك تقلّب كل أوراقي تعيث ب هالشعور جنون أتمسك بظلك لو تغيب ولو هنا ذبحي ولاتدري بإن ظلآل روحك قررت منحي ، لعالم غير هـ العالم .!
العرض العادي
