السفينـــــه لبو زيد العازمي

[مسدح البعارين]

هلا وغلا يالربع حبيت اهدي لكم قصيدة من قصايد حامد زيد اعجبتني واكيد كلن يعرفها

بعنوان: السفينــــــــــــه..

ضاقت وساع الفيافي والوعد متن السفينه
للطريق اللي دعاني بعد امان الله وامانه
لا تناديني وصوني قلبك الله لايهينه
لايراهن في رجوعي لجل ما يخسر رهانه
ليه ماارحل عن غرامك بعد ماذقت الغبينه
اذكري لي شي واحد يستحق اقعد عشانه
قلب ماحن لوصالي ماني بحاجة حنينه
واشهد انه مايعزر بالرفيع إلا هوانه
الهوى الغدار حد الله مابيني وبينه
والرجل لا خير فيه ان ماحفظ قدره وصانه
واحدن مثلي اليا من حدته عوجه سنينه
ما شكى لاقرب بن آدم لو هو اغلى من اخوانه
يوم قلبي ما عصاك وما قدرتي تذبحينه
ليه خنتي فيه وانتي معه من نفس الديانه
كان ذبحي بيدك ارحملي من اللي تفعلينه
وان طلبتك تذبحيني ماذبحتيني لعانه
كل جرح من جروحي تذكرينه تنكرينه
كن مالك في نزيفه يد خانت بالأمانه
ينزف الخاطر تواضع لين لطختي جبينه
والا انا ماكنت ابيها توصل لحد الإهانه
قلت من باب الميانه صاحبك وتعذبينه
يلعن ابوك ارخي معاي اشوي ماصارت ميانه
طعت عقلك يوم قيل ان العقل في البنت زينه
لكن الشرهه علي اللي كنت احسبك انك تكانه
من بعد ماكنتِ انتِ في حشاي اغلى سجينه
بوعدك بطلق صراحك واتهمني بالإدانه
وين رايح لي دربٍ ما يرجع للمدينه
ليه رايح لأن قلبك ماترك قلبي وشانه
كيف ابنسى ربي اللي ملهم القلب السكينه
مثل ماعانه بقربك لا نوى فرقاك عانه
كان قاسي يجرح اطراف سكاكين سنينه
ما يطيح وبنت مثلك حبها هزت كيانه
وإلا انا خابر خفوقي مايمد إلا الثمينه
وان بغا يغيض الثريه قعد القمره وزانه
وان بغا يغيض الثريا قعد القمره وزانه
مزعلن لاجلك هنوفن رجت قلوبن رزينه
وان تهادت بالطريق الجرهدي تزهر جنانه
جادلن كن الجمال قبالها كتف يدينه
والقمر لو شاورتله ينزح وتقعد مكانه
كانت اول من تحكم في فروع الياسمينه
وان تعدتهن تفنن خيزرانه خيزرانه
بعتها لأجلك وصارت لأصغر اطرافك رهينه
والا هي لفتة هدبها تغمرك ثقل ورزانه
والخفوق اللي تغذى من معزة والدينه
مشكلتها انه تعلق في زمن ماهو زمانه
كل مازادت جراحه واكتشف غلطة سنينه
صدقيه ان قال مابه شخص يستاهل حنانه
يوم نادى يا فلانه مارضيتي تسمعينه
لين صوت يافلانه يافلانه يافلانه
كنت اشوفك زعفرانهتقرض الورد وتدينه
يمكن اني ماقطفتك بس اشوفك زعفرانه
كنت اهاب البعد عنك واطلبك لاتذكرينه
كان خوف من الفراق وخطوة الفرقى جبانه
ما اقتنعت ان الخيانه للرجل تلوي يمينه
لين ماربي بعثك وذقت من طعم الخيانه
اسمحي لي مابقى فيني مكانن تطعنينه
واقبلي من جوف قلبي كل عطفه وامتنانه
والله الله في عذابك بتركك عينك بعينه
دليله ولا يرده عن شقاك إلا لسانه
والا أنا قررت اسافر وامتطي ظهر السفينه
لان مابه شي واحد يستحق اقعد عشانه.....
وسلامتكم.............. حامــــد زيـــــــد...
عسى تكون كامله عفوا ان كان نسيت فيها نقص سقط سهوا او في اغلاط ..
ياهلا...