لولا.. عيونك واتساعات الاحداق = ماشفت حبك واضح ٍ في عيونك

علي العنزي · 30-07-10, 04:06 am

لولا.. عيونـك واتساعـات الاحـداق
ماشفت حبـك واضـح ٍ فـي عيونـك

يام العيون اللـي بهـا الدمـع دفـاق
لاتذرف الدمعه .. وتحـرق شجونـك

في عينـك اليمنـى ..فتيلـه وبـرّاق
وفي عينك اليسرى( كسل) وسط نونك

في داخل البؤبؤ // متاهـات وانفـاق
شـي ٍ يعـذب واحـد ٍ.. مايخـونـك

ارحم خفوق ٍ بين الاضلاع .. يشتـاق
ضحى بعمره لاجـل .. فتنـة جفونـك

لاشفت زولك.. كن صدري به احـراق
نار ٍ توقد .. والحطـب مـن طعونـك

عامين .. وانا منتظر لحظـة اعنـاق
عاشق ولالي غير( ضمـة مزونـك )

جيتك .. وانا قلبي مـن البعـد تـواق
مستيسره عشـق ٍ طغابـه.. جنونـك

اهواك // واقدرك // واغليك // وانساق
خلف الغرام .. اللي سكن وسط كونـك

ولولا.. غرامك واندفاعـات الاشـواق
ماجيت بابك واطرقه فـي ..سكونـك

صريح بريده · 30-07-10, 04:11 am

صح لسانك .... كلام رائع وابيات في الصميم

محمد الدخيَل · 30-07-10, 05:07 am

جميل ما قرئته هنا...الشاعر علي العنزي صح لسانك ...محمد الدخيل

جفاك دمر غلاك · 31-07-10, 04:51 am

ارحم خفوق ٍ بين الاضلاع .. يشتـاق
ضحى بعمره لاجـل .. فتنـة جفونـك

لاشفت زولك.. كن صدري به احـراق
نار ٍ توقد .. والحطـب مـن طعونـك

سلمت شاعرنا وصح لسانك
ابدعت بالقصيدة
احترامي لك

سعيد الرشيدي · 31-07-10, 11:37 am

اقتباس:


	جيتك .. وانا قلبي مـن البعـد تـواق مستيسره عشـق ٍ طغابـه.. جنونـك

وهل هناك اجمل من استيسار العشق
0
لله درك وصح لسانك اخوي علي العنزي
على هذه الباذخه الشعريه
قصيده تستحق الاشاده
صح لسانك وتقبل تحياتي وتقديري

موسى العناز · 31-07-10, 04:04 pm

شاعرنا علي

ياهلا وغلا منور المكان

تسلم وصح لسانك

بشموخي أزلزلهم · 06-08-10, 01:27 am

[align=center][table1="width:95%;"][cell="filter:;"][align=center]يعطيك العافيه .....كلمات رائعه لاهنت اخي

ودي واحترامي [/align][/cell][/table1][/align]