حلق شنبه عشان هدف !! هل هو تخلف او تحدي ؟ ( صوره )

[ثامر الناصر]

[align=center]السلام عليكم ورحمه الله وبركاته :.

الخبر :

فى تحدى خاص وكبير حدث مساء البارحة ( ليلة المباراة ) للهلال والطائي

بين الإداري المخضرم فهد المديد ونجم الهلال بدر الخراشي حول مقدرة بدر فى هذه المباراة على تسجيل هدف بمرمى الطائي
وكان التحدى بين فهد المديد ونجم الهلال بدر الخراشي على حلق شنب من يصدق توقعه

فكان بدر الخراشي بالمرصاد لفهد وسجل هدفين وعند تسجيل الخراشي الهدف الثاني للهلال نزل الإداري فهد المديد لغرفة الملابس وحلق شنبه تنفيذاً للتحدى القائم بينهم.
واليكم الصورة قبل حلاقة الشنب



..

هنا بعد حلاقة الشنب :



..

طبعآ الموضوع منقول من شبكة الزعيم ..

..

..

موضوعي هنا .. هل هذا تخلف ام نعتبره تحدي وعادي في عالم الكرة ؟؟ !!

..

لن انظر الى الموضوع من حيث هلال ونصر .. لكن انظر اليه من الناحية الاجتماعية .. وارجو من الاعضاء عدم اعتباري نصراوي كاتبآ للموضوع واعتباري هلالي مثلآ .. لاتنظروا لميولي .. ارجو الرد على استفساري فقط ؟؟ !!

ودمتمـ[/align]

[تاج القصيم]

[align=center]رغم هلاليتي إلا أنني أراء ماقام به الإداري المديد أبعد لما تصبو إليه الرياضة فلم نصل إلى تلك المرحلة ولكن بما أن حلق الشنب أصبح الموضة فحاول أن يحلق شنبه وهو متردد فوجد أن التحدي أفضل حل !!
تحياتي[/align]

[فارس القصيم]

[align=center]هلا سلطانكو كيف الحال

اقتباس: لن انظر الى الموضوع من حيث هلال ونصر .. لكن انظر اليه من الناحية الاجتماعية .. وارجو من الاعضاء عدم اعتباري نصراوي كاتبآ للموضوع واعتباري هلالي مثلآ .. لاتنظروا لميولي .. ارجو الرد على استفساري فقط ؟؟ !!

دام انك ستنظر اليه من ناحية اجتماعية وماله علاقة بالرياضة
لماذا لايكون بالقسم الاجتماعي أليس هناك هو مكانه الصحيح؟؟

وبس اوقفت على تحليقة الشنب ياسلطانكو أمره هين يابعدي
يمكن اذا حصل النصر على بطولة تبي تحصل من يحلق رمشه موب بس شنبه
المهم بالموضوع مالذي يدعوا للأستغراب اذا شخص زلط شنبه ؟؟
هل هو اول واحد ولا أخر واحد علشان يستحق لأجله طرح هذا الموضوع
أظن ياسلطانكو أنك تعرف أن الشنب شنب فهد المديد فهو حر بتصرفه مع شنبه
الا اذا أنت طاقن بوه أثله وفهد المديد قام وقلع الاثله ذي من شنبه فهذا شيء ثاني
طبعا أنا أتكلم معك بعيد عن الرياضه
ومن باب حرية الشخص بنفسه وبشنبه

ومع التحية[/align]

[عاشق التحدي]

الشنب ماشاء الله شنب الي يستلم منه الدرع في الصورة الأولى ... أما هو شنبه ( حتات ) ماص ..!!!!

نلاحظ في الصورة الأولى أن شنبه شبه غير موجود ... وتحليقته ماأثرت في شكله كثير ..!!

[كرباج]

ياخي وش اللي مزعلك مثل مدرب النصر السابق جورج ارثر قال احلقوا شنبي اذا رجعت للنصر مره ثانيه رجع الرجال وشاله موس وجاب العيد في النصر !!!

تشااااااااااو

[ثامر الناصر]

شكرا لكم

..

للاسف لم اتوقع ان الاقي مثل بعض الردود التي حذرت منها بالموضوع نفسه حينما قلت

اقتباس: وارجو من الاعضاء عدم اعتباري نصراوي كاتبآ للموضوع واعتباري هلالي مثلآ

ياترى لو ان كاتب الموضوع المجمعه ديرتي .. ماذا ستكون الردود ؟؟

ودمتم

[تميم الداري]

لو كان الشنب على رجل لما حلقه ,,,

لكن يالله حسن الخاتمة,,

[فارس القصيم]

[align=center]وش معنى المجمعه بالذات يابووليد!!
حتى لوفرضنا ان المجمعه ديرتي ومزاجي وبسام الازرق ومايحتاج اسم وكرباج وكل البشكة ##### في هذا المنتدى قاموا بطرح هذا الموضوع
سيكون ردي عليهم نفس ماكتبته أنا هنا

اقتباس: المهم بالموضوع مالذي يدعوا للأستغراب اذا شخص زلط شنبه هل هو اول واحد ولا أخر واحد علشان يستحق لأجله طرح هذا الموضوع؟؟ أظن ياسلطانكو أنك تعرف أن الشنب شنب فهد المديد فهو حر بتصرفه مع شنبه الا اذا أنت طاقن بوه أثله وفهد المديد قام وقلع الاثله ذي من شنبه فهذا شيء ثاني طبعا أنا أتكلم معك بعيد عن الرياضه ومن باب حرية الشخص بنفسه وبشنبه

ومع التحية[/align]

[جلوي العتيبي]

تصرف غير لائق وتحدي في غير محله

أذكر سوداني تحدى بس والله مااذكر (أظن إذا هزم الهلال ) انه يحلق نصف شنبه

وحلق نصف شنبه الزول

هي محاولة إثاره في غير محلها

مشكور سلطانكو

[ămōяẻ]

هلا بك خيوووووووووو


اعتقد هذا حلقه لسبب ما

والعلم عند الله

وقد يكون مبيت النية لحلقه
سوا سجل ام لا

ولكن ليري البعض شيئا من تخلفه

اسمه المديد هو

انا ودى اعرف ردة فعله اهله
ولا اتقد انه متزوج

[ابو هليل]

طيب الرجال يمشي على الموضة وش فيها .....

أتوقع ان الأمر عادي جدا .....

[مايحتاج اسم!!]

ما ادري متى تتوسع دائرة ( العقل ) لدى الانسان في بعض الامور

الى متى يعتبرون من حلق الشنب ( خكري ) وفي روايه ( جنس ثالث ).. بينما الذي يحلق ( لحيتة ) (رجل) عليه العلم..!!
الى متى يطلقون كلمه ( خكري ) على من لبس الــ( جنز ) او على قولتهم ( سروال رياضة )...بينما الذي يلبس ثوب ( ابو نص خطوه ) المخصر يعتبر رجل..!!
الى متى يعتبرون (العطور) واللبس النظيف والمرتب للمرأءة...بينما ( ريحة ) الصنان ووصاخه الملابس هي اصول الرجوله..!!!
الى متى يعتبرون من لا يلبس الشماغ مشكوك برجولته

اقتباس: موضوعي هنا .. هل هذا تخلف ام نعتبره تحدي وعادي في عالم الكرة ؟؟ !!

الواضح من موضوعك انك مستغرب من (حلاقة الشنب) والذي يعتبر ( جريمة ) في نظرك..

الله يستر بعد 10 سنين اذا شفتو الــ (برمودا) وش بتكون ردة فعلكم
رأيي في حلاقة الشنب هو امر عادي لا تستاهل للاستغراب..
وحلاقته كحلاقة شعر الرأس


السؤال لك..
نظرتك لحالق الشنب (خكري) او (متخلف) او (جنس ثالث)

تحيهــ لكــ

[ămōяẻ]

هلا اخوى مايحاتج كيفيك


عادى كيف
انا اعتبره شيء غريب

اقتباس: رأيي في حلاقة الشنب هو امر عادي لا تستاهل للاستغراب.. وحلاقته كحلاقة شعر الرأس

بما انك تقول عادة هل تقدر تحلق شنبك انت
بصراحة

سلطانكوا يقصد
انه حلق الشنب لاجل مهمة مؤقتة والدليل انه لم يحلق شنبه من قبل ابدا

[المجمعة ديرتي]

انا اقول ان ما قام به فهد المديد هو الصواب


هو من تحدى وكان عليه ان يدفع الثمن بعد ان خسر التحدي وهذه قمة الرجولة


لنفرض انه تحده على سبيل المثال على ذبيحة هل وفائه هنا سيجعلنا نطرح نفس السوال

الاجابة بالتاكيد لالالالالالا الامر عادي

[ثامر الناصر]

مشكورين جميعآ على ردودكم

اقتباس: هو من تحدى وكان عليه ان يدفع الثمن بعد ان خسر التحدي وهذه قمة الرجولة

نعم تحدي .. اصلآ التحدي من الاصل من المفترض ان لايتم بهذا الشكل .. تحدي من ذبيحة من عشاء من بيت من مليون ماقلنا شي .. لكن تحدي من حلق شنب هنا المشكلة .. وهذا ماقرأته من الردود السابقة والتأييد للحركة وانها قمة الرجولة خخخخخخخخخخخ

ودمتم