[align=center]بســــــــــــــــم الله الرحمــــــــــــــن الرحيــــــــــــــم
شوفي القصيدة هذي قريتها وأعجبتني
أحس إنها جناااااااااان
خصوصا آخر بيتين
++++++++++++
توشحّـت السـواد بليلـةٍ فارقـت أنـا خـلّـي
تقبّلت العزا في قلب من جرحـه غـدا مذبـوح
صبرت ومانويت أخضع ولكن طحت أنـا كلّـي
صرخت الآآآآه ناديته بصوت من الألم مبحـوح
حبيبي يابعد (طيـف الولـه) يـا حـب متعلّـي
سكنت بداخل عروقي وقلبـي بالهـوا مفضـوح
طلبتـك ناظـر دمـوعٍ بعينـي قامـت إتهلّـي
تبي ترحل عن دروبي؟بدونك وين أنـا بـروح؟
عجزت أمشي عجزت أوقف عجزت أغادر إمحلّي
عجزت أمد أنا كفي عجزت أقول لـك مسمـوح
خفوقي قام ينشدني عقب فرقاك أنـا مـن لـي؟
ألا ياكيف نبضاتي بغير إسمك تجـي وتـروح؟
وجرحـي فيـك جادلنـي يعاتبنـي ولا يملّـي
يعاتبني وأنـا عقبـك جسـد باقـي بليّـا روح
أنا يومي عشقتك مـا عشقتـك لعـب وتسلّـي
بنيت أحلام ورديـه وأشيّـد للأمانـي صـروح
إلا من قلت يا طيفـي ألبّـي لـك هـلااا كلّـي
ألبّي لك هـلااا آمـر تدلـل ياعديـل الـروح
وإلا منّك زعلت أجيـك أرحـب فيـك وأهلّـي
ولافكرت في لحظه من الجارح !من المجـروح؟
بعد هذا تبي ترحل تبـي عـن دنيتـي تولّـي؟
لك الله لو تفارقني أموت مـن الحـزن والنـوح
وقفّي ناوي إفراقـي ويومـه إلتفـت قـال لـي
تعالي وأسكني حضني تعالي مـا قويـت أروح
وجيته طفلةٍ تركـض تسابـق خطوتـي ظلّـي
رميت أحزاني في حضنه ودمعه مع بقايا جروح [/align]
العرض الشجري