نزعل ونتكبر وحنا من الطين---والكل منا يصد لا اقبل خويه
نفخر نقول انا على الصد قاوين---وهي علينا في الحقيقه قويه
نشفق على الطيبه وكسب الكريمين---وهذي بنا لاشك فعله رديه
ننسى نهايتنا وعلى وين ماشين---وننسى الزمن اللي جمعنا سويه
المشكله ماهي بحاجه لتخمين---ولاهي بعد ياناس صعبه القضيه
دق الرقم:كيفك..هلا فيك..واهلين---انا الخوي اللي مزعل خويه
قله:تغيب..وصورتك داخل العين---ويبقى لحبك في خفوقي بقيه
اخوان حنا لو يجي بيننا شين---ومانفترق دام المحبه نديه
خلك قوي لاتحتكرك الشياطين---قبل الفوات وقبل وقت المنيه
هذي هي الدنيا من اللحين للحين---لابد بين الناس تحصل خطيه
ومن لايقدر غلطة احبابه اللحين---يقرا حروفي ويتعبرها هديه
باكر تمر سنين وسنين وسنين---والكل يرحل في الدروب المديه
صدقني تندم واذكر حروفنا زين---تندم على خلك اذا غاب ضيه
دنيا غريبه واكثر الناس ماشين---وكم صاحب والله دفنته بيديه
منقوله
العرض الشجري