عـــيــــــــــــــــــــــــــال حــــــــا رتــــنــــــــــــــــــــــــــا..

[مسدح البعارين]

[b]عيال حارتنا [/B]


يفتخر الشعراء بما يسطرونه من احساس جميل .. ولكن هذه المره الشعر هو من يفتخر باليامي.. فالشاعر فيصل اليامي يعد من القلائل الذين يملكون التصرف بزمام الكلمة الحالمه، التي غالبا ماتكون همسات يتناقلها العشاق في لقائاتهم تحت أضواء الشموع.
فيصل اليامي يمسك بقلمه ليكتب الشعر فينساب قلمه بكلمات لاتنسى، ومفردات يصعب على غيره أن يطاوعه قلمه بخط مثلها.

ياليت ان الزمن يرجع ورى ولا الليالي تدور
ويـرجع وقـــــتنا الأول وننعم في بســــاطتنا
زمان اول احس انه زمان فيه صدق شعــور
نحب ونخلص الـنيـة.. وتجـمـعنا مـحـبـتـنا
زمن مافيه لا غـيبـه.. ولا حـتى نفاق وزور
يالـيـتـه بس لو يرجع ونستـرجع طفــولتـنا
صغار قلوبنا بيضـا..نعيش بعـالم مـحـصور
ولا نعرف ابد اغراب ماغير عيال حــارتنا
صحيح صغار فالتفكير لكن ماعلينا قصور
نخطط نكسر اللعـبـه.. وتســـعـدنا شقــاوتنا
نروح المدرسه بدري..ونضحك داخل الطابور
نحـاول نزعج العـالم في روحـــتنا وجـيـتنا
وعشان نأخر الحصه..نخبي علبة الطبشور
نشـاغب بس فالآخــر .. تميــــزنا برائـتنـا
نحب الضحك والهيصه..نحب انط فوق السور
نفرفش.. ليه مانفرفش مادام الضحك عادتنا
ولكن دارت الأيام .. وبان الخافي المستور
وصار الهم مـتــعلي على قـمـة سـعـــادتـنا
كبرنا وصارت الدنيا تصف احزاننا بالدور
وتهدينا الألم والهم غصب عن عين رغبتنا
تعبنا من بلاوينا.. احد ضايق واحد مقهور
وكل غارق بـهـمـه.. وفالآخــــــر تشـتــتـنا
وانا مااقول غير إلا حــلالاه الزمن يـــدور
ويرجع للورى فتره.. نعدل وضع عيشـــتنا

فيصل اليامي..