في بداية رمضان ذهبت الى محلي باسواق الأندلس ( ترى ماسوي دعايه زبايني واجد الحمدلله ), الساعه وحده صباحا , ولقيت الصبي زعلان وضايق خلقه ,
قلت له : وش فيك .
قال : جت زبونه كشخه لابسه عبايه على الكتف وساعه رولكس ( وانتم عارفين التكملة ) .
قلت : وبعدين .
قال : دخلت المحل ومعاها تقريبا ستة اكياس محمله من ذهب وملابس واكسسوار وخلافه .
قلت : وبعدين .
قال : حطت الاكياس بالمحل وقالت انا بتقضى منك اقمشة سهره , عندي اختي بتتزوج وابغى جهاز كامل , بتراعيني والا اشوف محل غيرك.
قلت : وبعدين .
قال : قلتلها تفضلي وانشاء الله ابغى اراعيك , المهم اخذت تقص من الشك الغالي والحرير الطبيعي والشيفون على مخمل ومانست التنانير ( اسود , كحلي , بني ) , وبعد ماخلصنا جينا للشيفون السادة تبغى شالات مع اقمشة السهرة وبعد ماخلصنا من الشيفونات تبغى بطاين ومن زود القرادة جبت لها البطاين من جارنا راعي الكلف .
قلت : وبعدين .
قال : بعد ماخلصنا قالت كم حسابك .
الحساب : 3850يال بس .
قالت : خلاص اباروح اسحب لك من الصراف ( ماعندي بالمحل الشبكة السعودية ) , لكن لو سمحت خل اغراضي اللي جايبتها معي عندك وكيس الأقمشة اللي شريتها , بس عطني الف ريال ابحاسب راعي الملابس قبل مايسكر وابغى ارجع لك بعد ما اسحب من الصراف , المهم عطاها الصبي الف ريال , طبعا هو ضامن المبلغ لان الأكياس اللي جايبتها معها تسوى عشرة آلاف ريال , راحت الحرمه تحاسب راعي الملابس والصبي ينتظرها , ساعه ,, ساعتين والصبي ينتظرها , تأخرت , انا جيت الساعه وحده زي ما قلتلكم , انتظرنا , لم ترجع الحرمه قفل السوق واحنا فاتحين ننتظر الحرمه , كلمنا الأمن الموجود بالسوق بالقصة , جاء الأمن للمحل شاهد اكياسها ,, فتحها ,, تخيلوا كلها فارغه , مجرد كراتين فقط مثل الصبي اللي عندي .
قصه واقعية حصلت في محلي , السادس من رمضان , اسواق الاندلس _الرياض _ .
العرض العادي
