مساااكم وصبااحكم
شعر
أبسألك بالله وش صار وش فيك؟
...............وش قصتك يوم أنك أنهيت شانك؟
رحت وتركت أنسان بالأمس يغليك
..................يبغاك تبقى له أمل في وصالك
ياكيف تمشي من حياتي وأنا أغليك؟
................ووين الكلام اللي نطقته بلسانك؟
ليش أنت وحدك كنت تطلب وأنا أعطيك؟
...................والعالم الثاني نسيته عشانك؟
وشلون تنسى ذيك الأيام يمديك؟
.................تترك مكانك خالي" من حنانك؟
وين العهود ووين قولك أناأبيك؟
.............ليش أنتهت في لحظة" من زمانك؟
ليش أنتهى مشوار حبك بأياديك؟
...............ومن الذي ياصاحبي بس صانك؟
من الذي قادك على فراق مغليك؟
................ومن الذي خلاك تقسى بحنانك؟
من الذي يازين غير مماشيك؟
..............وخلاك تنسى مامضى من زمانك؟
أنا عطيتك كل شيٍ بتمليك
.................وأهديت لك قلبٍ تجرع هوانك
وش سالفة قلبي مع الغدر يرضيك
..................تغدر بقلب اللي وفالك وجالك
أنت الذي شكيت لي جور أهاليك
.............وأنا الوحيد اللي حسسك في أمانك
ياصاحبي منت الوحيد بتماديك
................وغيرك ترى ناسٍ تحل بمكانك
تراني ببعد عن حياتك وأخليك!!
.............تشكي همومك لأقرب أنسان خانك
من بعد ماني مالكك ملك بيديك
.....................اليوم خليتك وحيد بجنانك
مماااراق لي
....رحت وتركت أنسان بالأمس يغليك......
العرض العادي
