جيت الطبيب اللي على الصدر مختص

[ألرايقـ]

يقول :الشاعر

جيت الطبيب اللي على الصدر مختص
.. .. ابي اسوي لي على الصدر تشخيص

ثم حط سماعه على الصدر قال اص
.. .. اسمع لي بصدرك حساس و وصاويص

نيى نسوي لك اشاعه ونفحص
.. .. ونمحص اللي داخل الصدر تمحيص

سوى الاشاعه قال ياصاحبي بص
.. .. لا يدخل صدرك احد دون ترخيص

لقيت في صدرك مواطي قدم لص
.. .. والقلب مقصوص من الصدر تقصيص

وانته عن اللي سارق قلبك ابخص
.. .. قلت ايه داري به وعن وضعه ابخيص

هذاك مايرخص لو الناس ترخص
.. .. وانا بعد عنده ترى ماني رخيص

بيني وبينه قلبي النص بالنص
.. .. لا والله الا كله بدون تنقيص

يخبص ويوزع واقول امش ما اقص
.. .. مافيه تكويش ولا فيه تخبيص

مادام هذه علتي ياطبيب اص
.. .. ماني في حاجة علاج وتشخيص

[محمد عبده]

[frame="1 80"]
قصيدها دمها خفيف . عساك على القوة اخوي

عرفت من القصيدة ان الدكتور مصري

هههههههههههه

تحياتي
[/frame]

[سلطانة الغيد]

لقيت في صدرك مواطي قدم لص
.. .. والقلب مقصوص من الصدر تقصيص

وانته عن اللي سارق قلبك ابخص
.. .. قلت ايه داري به وعن وضعه ابخيص

هذاك مايرخص لو الناس ترخص
.. .. وانا بعد عنده ترى ماني رخيص

بيني وبينه قلبي النص بالنص
.. .. لا والله الا كله بدون تنقيص

يخبص ويوزع واقول امش ما اقص
.. .. مافيه تكويش ولا فيه تخبيص

الرايــــــــــــقـ
***
قصيــــدة رائعه سلم بوحك
وعذوبة اختيارك
دآمـ لنا ذوقك الراقي
لاهنت

[البارق]

وربي انك راااااقي يالرايق
كلمات مختلفة في سبكها
وجداً راااايقة في وصفها

الف شكر لك

[المستشارَ]

صح كلك على هالاختيار يالرايق ب شخصيتك و ب اختياراتك

موفق خير يارب ولايحرمنا منك

[ألرايقـ]

اعتذر عن تاخري لقلة تواجدي هنا ..
اسعدني تواجدكم في متصفحي واختياري المتواضع
الأجمل اطلالتك ونثر احرفكم هنا ..
ردودكم هي الأجمل
كل الود