السلام عليكم ورحمـة الله وبركاته
صبحكم ومساكم الله بالخير جميعاً
اترككم مع هـ الذائقـه ..
لا تكتبيني غيم ..
تمسحني الريح
ولا ترسميني مركب .. انسى الشواطي
يامن هدب عينك لقلبي مراجيح
وأفرش تحتها عن جبينك بساطي
أمشي ..
وانا اللي لو تعثرتي اطيح
وهي لك حروفي
بس خلي نقاطي
ياكثر بيباني
وقل المفاتيح
ولا نيب حتى لو أبي البعد ساطي
وينك ؟
تعبت اسأل عن النرجس الشيح
وينك ؟
تعلّت قاع والسقف واطي
فكي ازارير الحكي .. ودي اصيح
لاشك أخاف يشق صوتي خياطي
يادمعتين الثلج
يوم ابتدا يسيح
جيت اجلدك
وادمت كتوفي سياطي
وان قلت احبك
واجمل الحب تلميح
مافك سجان المحبه رباطي
كذا ..
كذا .
نامت عيون المجاريح
كذا .
ابتدابك يالجروح ارتباطي
ولاتكتبيني غيم
تشربني الريح
ولاترسميني مركب .. اظما شواطي
قالت .. إفرض طيب إن الشمس نامت من تعبها
....................... من تظن يفك أزارير المسـا ويصب نـور
قلت : أبـد لا تشغلين عيـونك إلا في هـدبها
....................... واعصري ظلك تسيل شموس وتجف البدور
ياحيـاتي والمشاعر هي .. " الم شاعر" كتبها
....................... والغلا هو " الغلا " وأعـذر حبيبك لو يجور
ولو رصعت الشمس روبي وأكتسا اللولو لهبها
....................... أختفت مع لمعـة ظلالك بقيعـان البحـور
وغرتك لا هفهفت حـتى الهـوى لا ما قضبها
....................... ودايـم تفرّك يدين اللي يصافحك العطـور
وما سـبقك أحـد ٍ تجلل بالسحايب واعتصبها
....................... ولاعرق حي ٍ دهن ورد وزفر غيرك بخور
آه .. يا أحـلى ذنوب العاشـق اللي مأرتكبها
....................... الغرور يصيب غيرك وانت من صاب الغرور
شفت دورة هـ الكواكب حول شمس ٍ تجتذبها
....................... كنها قلوب الأوادم حـولك تحـور وتـدور
نفسـي ادري من سبقني للمواعيد وشـربها
....................... او من اللي بس عبا دمي إحساس وشـعور
ياحبيبي .. قد سمعت بنار قـد حنت حطبـها
....................... أو بمن يشـهد على نفسه لخصمه يوم زور
طالبـك ! لاتنشد دموعي حبيبي عن سـببها
....................... واعذر القلب الحزين .. وانت بالحيل معذور
قالت .. افرض طيب ان الشمس قلت يوم ادبها
....................... قلت : انزلها بقـذلة صبحها .. وأكتبك نور
~
العرض العادي
