الله .. يجازي من يسوي " سواتك "
و ( بذنوب ) من سوى سواتك يجازيك
مشيت درب الثقل وتحب ’ ذاتك
ماتدري إنه لـ ( المهالك ) يوديك ؟
غرك جمالك " ياخسارة " حلاتك
ماتدري إن ماغير ( طبعك ) يحليك !
لو التواضع والوفا من " سماتك "
( بعت الحبايب ) كلهم ’ دين واشريك ‘
وشلون توصيني و ( تنسى ) وصاتك ؟
وتصد عن صوتن ( تقطع ) يناديك
مافاتك التجريح و " العذر " فاتك !
وتبغي الراي الحين ( ماعاد يمديك )
صحيح " أحبك " بس هذي جزاتك
بعلمك ( درسن ) يفيدك ’ ويحييك
تدري وش أبيض من خفوقك ( عباتك )
وتدري وش اللي غرني نظرتي فيك
أدري بتستغرب " تصبر " وجاتك
قصيدتن من واحدن ( كان يبغيك )
وتبغي تناظر وأنت عايش " مماتك "
شف ( وحدتك ) والناس تجلس ’ حواليك
وتبغي تشوف " أشجع رجل " في حياتك
شفني وانا " مقفي " على ( كثر ماغليك )
محمد بن فطيس المري
العرض العادي
