البارحه ما بين همي والاوراق
جر القلم طاروق حزن ٍ يسليه
استرسلت ابيات شعري من اعماق
الموقف اللي مر وازريت اعديه
موعد لقا مبني على نية افراق
كان الاخير وضيق الصدر طاريه
ولاهي غريبه لو أقول الصدر ضاق
لكن الاغرب كيف اباودعه فيه
كانت دموعه تختنق بين الاحداق
ونظرات عيني تقتله ثم تحييه
كني جلست اعلمه كيف يشتاق
وكنه يعّلم شعري شلون يرثيه
شح الزمن بموادعه والمسا ساق
حزن القصايد والعتب والمشاريه
ياليل والله ماورى ليلك اشراق
النور عانه يسحبه في خطاويه
عشاق قلي ويش او ليش عشاق
الا ضحايا وقت مدري شسميه
يقطع سنين العشق يا درب الاشواق
ياليت بيدي شي واقدر اسويه
مما راق لي ..
لشاعر محمد السهلي ,,
العرض العادي
