الفراسة النتية ..

[الأسترليني]

طبعا الموضوع هذا له قصة لكن ما لكم بالطويلة

طبعا قبل ما ادخل بالموضوع يجب ان نعرف وش تعني الفراسة

يقال ان الفراسة تعني / الاستدلال بالأحوال الظاهرة على الباطنة

بالنسبة لموضوعي هذا دائما ما اشبه بعض المعرفات ببعض المعرفات سواء في نفسي او اصرح للعضو بهذا التشبية ..

و صدفت معي أكثر من مرة ان يكون تشبيهي او حدسي صحيح ببعض المعرفات انها لنفس الشخص ..

ممكن يكون اسلوب الكتابة او الحضور او الصورة الشخصية دليل بالنسبة لي لنسب هذا المعرف للمعرف الثاني ..

هذا التشبية قاد بعض المعرفات إلا ان تتوقع أني أجلس انا و ابوشهد بمجلس واحد ..!!

علشان يزول اللبس لدي و لكي لا أظن بنفسي ظنونا خارقة للعادة هل يروادكم شعور تشبية بعض المعرفات ببعضها سواء التشبية بمعرفات سابقة هاجرت او معرفات موجودة بنفس الوقت ..؟

و على طاري الفراسة النتية ما ادري ليه أحس ان المشرف الافق هو هو جلوي ..!! موجع راسي

[التنين الصيني]

الفراسة هذي .... تبي سراج

عشان يقول لنا وشو النص التحتي ....

يبدو لي ان الحاسة السادسة شغالة لديك ....

دمت بود ....

[الأسترليني]

اقتباس:  المشاركة الأصلية كتبت بواسطة التنين الصيني     الفراسة هذي .... تبي سراج عشان يقول لنا وشو النص التحتي .... يبدو لي ان الحاسة السادسة شغالة لديك .... دمت بود ....

ما فهمت يا التنين ..!!

قصدك ان بلزاك هو هو سراج اللوذة ..!!

[سراج اللوذه]

بما أن الفراسة النتيه مصطلح جديد علي ..إلا أني ما سبق وشغلت بالي عن التشابهات والتقارب بين أسلوب ذاك المعرف وهذا ..وهل يلتقون بشخص واحد ؟!!فالجميع هنا يتأثرون ببعض وبما أن المؤثرين مواضيعهم وأساليبهم سطحية فالتقليد على أصعب الأحوال سهل ومثل بلع الهواء !

عن نفسي .. فليكن لكل عضو عشرة معرفات ويختار واحد منهن يكتب به كلام يرقى للطرح ...

ودي مع التقدير ،،،

[نجداوي]

ههههههههههههههههههههه

جاء ببالي وضع سابق وصارت مشاكل علشانه

صدقت هالشي يصير

طبعا السبب بعد ماصار لي من وضع شخصي

هو كثره الجلوس على النت وايضا استصاغه بعض الاساليب وتوحيد الافكار

بخصوص الردود والمواضيع وحتى نسق الكتابه بالافكار

بصراحه احيانا اشوف معرفات اقول بس هذا الشخص الفلاني اكيييييييييييد

وايضا لو تدقق او تسال بتلاحظ ان سنوات التواجد على الشبكه العنكبوتيه متقاربه جدآ بينك وبينهم

تتوقع عندي فراسه بعد هالتحليل الفاشل

بالنسبه ل اخوانا العزيز الافق انسان جدا هادي الله يصبحه بالخير

شكرآ استرليني على الطرح العنيف .

[عـــــســـــولــي]

اتوقع يقشعون موضوعك هذا مع إني ضد قشعه لأنه ضرب على الوتر الحساس عندي .
يعني مثلا : لما أشوف قتاله واسلوبها يروح مخي علطول لعلوووش . ليش؟؟ مادري .
ولما أقرأ لنتظرتك يروح بالي علطول للعرندس

[المميزهـ]

الفراسه علم روووعه ودائم احساسه في محله ماتدري يمكن صح الافق هو جلوي بشحمه والحمه
وصحيح بعض لأعضاء تلاحظ الردودهم نفس الشي او طريق الرد والكتابه .
بس المشكله اذ كان عندك من العائله عنده العلم هنا ابلش ماتقدر تصانع او تخفي شي لانه كل شي واضح ويجي يقوالها قبلك

[نيوتن القبه]

الفراغ ياحبي لك وعمايله
بعدين اللي يشوفك يقول هالمعرفات هذي لجيمس جويس أو لماركيز أو ساراماغو
ترى أغلبهم من هالتنوح اللي مالقوا مكان يهايطون فيه وكل مادخلوا مجلس دفروهم الشيبان وقالوا لهم رح وأنا أبوك جب كومار من المزرعة لا أتوطأ ببطنك ثم يوقف عند مقهى بشارع الأربعين ويحط حرته بمهايط بالمنتدى ويطلع وبعد أسبوعين قال آه انكشف معرفي وصاروا يدرون من أنا ويروح يسجل بمعرف ثاني تقل بيكهام على غفلة مع إنه لو يمر بشارع من شوارع العجيبة أو الشماس مالتفت له ولا بس منكسرة رجله فضلا عن بني آدم
ثم يجي ويقول عذرا بوقف معرفي الأول صرت مشهور
أقول لك ثم يطلع من المقهى ويمشي 3000 آلاف لأنه تأخر على كومار وأبوه ينتظره يبي يلعن خامسه وهو في الطريق يمر أستديو الأناضول بالخبيب ويرز لك الكوبرا ويزبط السكسوكة المايلة اللي نصفها كحل من الفراغات ويطق صورة ويحطها بالتوقيع على باله توم كروز أو براد بيت وهو ريحة سنان وإذا زانت ريحته فتراها من ريحة العلف اللي ركبه بالددتسن
ثم إذا نام شايبه جاء يترزز بالمنتدى ويقول آه ياسوريا وهو ماشاف صنادحه
ثم إذا دخل بمعرف ثاني على باله صاحب الجلالة يشخص ويتعطر بدهن العود اللي بالمحطات الدرزن بخمسة ويتوقع إن كل اللي بالمنتدى ينتظرونه

أقول يابعد قلبي يالإسترليني لاتوجع راسك بهالمهايطية

تدري إن شركة ياهو والهوتميل ماطلعوا نظام إن للبريد عمر إلا على شان ربعنا بدوا يضفون من هالإميلات على شان يسجلون بالمنتديات ب5000 معرف إلين قضن الحروف على الهوتميل والياهو

[التنين الصيني]

اقتباس:  المشاركة الأصلية كتبت بواسطة الأسترليني     ما فهمت يا التنين ..!! قصدك ان بلزاك هو هو سراج اللوذة ..!!

لا لا لا ..... هههه

الظاهر اني مكثر فول ...

كأنك ما شفت الرد ...... ودعتك الله يا مسافر

[ولد الحسون]

الموضوع راح يكشف الستار عن المعرفات المزدوجه


تتوقع من أنا ياراعي الموضوع؟

لي معرف ثاني!!

[الأسترليني]

اقتباس:  المشاركة الأصلية كتبت بواسطة سراج اللوذه     بما أن الفراسة النتيه مصطلح جديد علي ..إلا أني ما سبق وشغلت بالي عن التشابهات والتقارب بين أسلوب ذاك المعرف وهذا ..وهل يلتقون بشخص واحد ؟!!فالجميع هنا يتأثرون ببعض وبما أن المؤثرين مواضيعهم وأساليبهم سطحية فالتقليد على أصعب الأحوال سهل ومثل بلع الهواء ! عن نفسي .. فليكن لكن عضو عشرة معرفات ويختار واحد منهن يكتب به كلام يرقى للطرح ... ودي مع التقدير ،،،

مرحبا بالكاتب الذائق ..

صدقني يا سراج ليست قضية أن التشبية هو تفكير مستمر لدي و لكن حين تقرأ لمعرف ما لا ارادي يظهر معرف اخر بجانب هذا المعرف إذا كان يشبة المعرف الاخر ..

و بمناسبة حديثك عن تشابه الاساليب فهو صحيح و لكن هناك حالات تشبية ليست مرتبطة بالاسلوب بل مرتبطة بأمور أخرى كانتقاء المواضيع التي يشارك بها مثلا ..

[روفه]

متابعه للأستفاده : )

[الأسترليني]

اقتباس:  المشاركة الأصلية كتبت بواسطة نجد1وي     ههههههههههههههههههههه جاء ببالي وضع سابق وصارت مشاكل علشانه صدقت هالشي يصير طبعا السبب بعد ماصار لي من وضع شخصي هو كثره الجلوس على النت وايضا استصاغه بعض الاساليب وتوحيد الافكار بخصوص الردود والمواضيع وحتى نسق الكتابه بالافكار بصراحه احيانا اشوف معرفات اقول بس هذا الشخص الفلاني اكيييييييييييد وايضا لو تدقق او تسال بتلاحظ ان سنوات التواجد على الشبكه العنكبوتيه متقاربه جدآ بينك وبينهم تتوقع عندي فراسه بعد هالتحليل الفاشل بالنسبه ل اخوانا العزيز الافق انسان جدا هادي الله يصبحه بالخير شكرآ استرليني على الطرح العنيف .

مراحب نجداوي

يعني تتفق معي إن الافق مهوب جلوي

طيب ما يصير الافق هوهو بريداوي 9

[الأسترليني]

اقتباس:  المشاركة الأصلية كتبت بواسطة عـــــســـــولــي     اتوقع يقشعون موضوعك هذا مع إني ضد قشعه لأنه ضرب على الوتر الحساس عندي . يعني مثلا : لما أشوف قتاله واسلوبها يروح مخي علطول لعلوووش . ليش؟؟ مادري . ولما أقرأ لنتظرتك يروح بالي علطول للعرندس

إدخل على الله يا عسولي ما يندرى كل شئ يصير ..

لكن ولد الحسون وش رايك به ..؟ أنا اقول انه مهوب ولد الحسون

[الأسترليني]

اقتباس:  المشاركة الأصلية كتبت بواسطة المميزهـ     الفراسه علم روووعه ودائم احساسه في محله ماتدري يمكن صح الافق هو جلوي بشحمه والحمه وصحيح بعض لأعضاء تلاحظ الردودهم نفس الشي او طريق الرد والكتابه . بس المشكله اذ كان عندك من العائله عنده العلم هنا ابلش ماتقدر تصانع او تخفي شي لانه كل شي واضح ويجي يقوالها قبلك

الله الله بالجحادة يا المميزة لا تعلمين عن معرفاتك للي أصغر منك تراهن فضايح