زحمـة الشـوق
يمكن يضيع القلب في زحمـة الشـوق
وأكبر مصيبة ضيعة إنسـان مشتـاق
أتوه في وصله و لـو دربنـا عـوق
و القلب مـلْ الصبـر ماعـاد ينطـاق
كافي ثلاث سنيـن و القلـب محـروق
و أنثر مشاعر حيرتـي فـوق الأوراق
هـذا بعـد طوقتنـي بالهـوى طـوق
و خليتني ما بين حزنـي و الأشـواق
وعيني من أسباب الجفا تمطر المـوق
لا خيًلـت بسمـاك راعـد و بــراًق
و القلب كنًه بين الأضـلاع مسـروق
بأسباب هجر اللـي تربـى بالأعمـاق
إنسـان بديتـه علـى كـل مخلـوق
و أصبحت أنا ويًـاه بالحـب عشًـاق
أستوطـن بذاتـي وأداريـه بشفـوق
و لأجله سهرت الليل و الدمـع دفًـاق
طفلٍ على سلـب المعاليـق مطفـوق
حاشا ورب البيـت مـا هـو بسـرًاق
الوقت تمضي ساعته هـون و رفـوق
و أشوف طبع الوقت خائـن و بـوًاق
يا ليل باقي لي مـع الغائـب حقـوق
و أخذت أنـا ويًـاه عهـدٍ و ميثـاق
يا ليل شفت سماه لاحت بهـا بـروق
يا ليت تمطر وصل مـا ودًنـا فـراق
يا ليل حزني في شراييـن و عـروق
و ضاقت بي الدنيا وسيعـات الأفـاق
متى يحل وصال عاشـق و معشـوق
مليت مـن بُعـده و يبسـنْ الأريـاق
ليته يجيني كامـل الحسـن و الـذوق
و نترك زمان اللي هوى قصف الأعناق
يا ليل قلًـه عاشقـك ذابحـه شـوق
و يقضـي لياليـه العنيـدة بالإرهـاق
وقلًه بعد من بسمـة العمـر معتـوق
و يونًسه في غيبتك طيـف الأشـواق
وقلًه ثللاث سنيـن والقلـب محـروق
و ينثر مشاعر حيرتـه فـوق الأوراق
العرض العادي
