ســــــــــلآم~
جبت لكم شيله حزيه جدااا
وقصتها سلمكم الله انه واحد تزوج وحده من بعد حب طبعاا وصابهم عين او سحر
وجته حاله نفسيه وتعب وطلقهاااا
وبعد ماطلقهاا رجع مثل ما كان اول وزال عنه كل الالم
لاكن بعد مافقد احن الناس واحبهم لـ قلبه زوجته~
وطبعاا مارس حياته الطبيعيه رغم كل الآلم اللي بداخله بفقدانهااا
وفي يوم من الايااام صادفته الاقدار انه يروح لمستوصف القمه
بسبب وجع بآسنااانه
و يلتقي بزوجته واخوهاااا
وكتب الشاعر هذي القصيده تعبر عن حزنه والمه
صادفتها صدفة أبـ مستوصف القمه
بالعين راعيتها لحظة وترعاني
شميت أنا عطرها ويابخت من شمه
يدوخ ويسكر ولو ماهو بشرباني
قمت اتذكر زمانٍ فات والمه
لاعاده الله نصيب يوم وداني
هلت دموع العيون ولا بقى غمه
مما جرى لي نسيت ألام الاسناني
معها أخوها رفع كفه على فمه
كنه يقول يالله الستار ياقاني
نفس الملامح ويشبه دمها دمه
سبحان رب خلقهم دعج العياني
يدري ابحبي وتدري أمه وعمه
حال القدر بيننا والحب سلطاني
يبكي ويمسح دموع اعيونه ابكمه
يبكي على شانها ويبكي على شاني
والله يلولا الحيا والدين لاضمه
واسمعه شهقة من قلب شفقاني
والحب بلوه ومنه النفس مهتمه
وش حيلتي والغضي دمي وشرياني
جسمي يروح ويجي والقلب من يمه
القلب عنده يبيه ولا يبي ثاني
أقسم بربي وانا لي مذهب وذمه
لا أعيش أحبه ولو حبه علي جاني
شربت كاس الهوا ورويت من سمه
لا مت وارتحت ولا هو باللي احياني
أضحك مع الناس والأحزان منظمه
كني سعيدٍ وأنا مبلي بالأحزاني
عندي وصيه وتالي الهرج يايمه
الموت حقٍ على القاصي مع الداني
لا صرت فوق النعش والناس ملتمه
مروا على بيتها وتشوف جثماني
قولوا لها الموت زم صويحبك زمه
ما مات حبه ولو هو بالنعش فاني
شلناه للمقبره وادعي له القمه
خذي ثوابه وجوده لهف الإحساني
يالله يالمقتدر ياكاشف الغمه
تفرج لمن حالته دوم بنقصاني
والله لــــــولا الــــــحيـــــــآ والـــديـــــن لـ أضـــــمــــــــه ~
العرض العادي
