يواســـــيني وانا الميت وحالــــــي يجبر الدمعات
تســيل من الذي فيني ويبكي وهو يواسيـــــني
وانا ابكــــي واتنهد وارسم بالحزن لوحــــــــات
يجــــــــبروني عشان امشي ورجلي ما تمشــــــيني
قتلـــــت رعايتي بيدي قتلت الحب والرحــــمات
حرمـــت النفس من حقها وانا ابكــــــيها وتبكيني
وكـــــنه حلم قدامي يقيدني من الصرخــــــات
ابي اصحى ولكــــــني عجزت القى ال يصــــحيني
فــداك القلب يايمه ومهما قلت من كــــلمات
صـــــغيره في كبر حقك بس اتمنى تعـــــذريني
نهــــــبت الفرح من بيتي صحيح اني خســـــيس الذات
صحيـــــح اني ولد طايش وكل ما أسمــــعه فيني
تـــــــجول عيونهم فيني تفصل مني قياســات
وتشـيح وجوههم عني وكني غيرت ديـــني
يظــــــنوا حزنهم اكبر وهم اصحاب هالــمأساة
وانا اتـــــحدى اذا فيهم ربع ما يحـــترق فيـني
نقـــص قدري بعد موتك وغابت نشوة الـــلذات
وصـــار الهم عكازي اباكيه ويبـــــاكيني
عطيتــيني بدون حساب ولا سمعتك تقولي هــــــات
وانا اشـــرب حيل من دمك ودمك ما يكفـــيني
يايــــــمه ارجعي كافي ابجلس معك لو لــــحظات
واقـــبل ايدك ورجلك وافرش لك رمش عـيني
ياـــــيمه ما تحملهم يقولوا فات ما قد مــــــات
تعالــــي غيري هالقول واطيعك باقي ســـــنيني
واترك عادة التدخــــين وانفذ ما تبي بــــــسكات
واصـــلي الفجر في المسجد قبل منتي تصــــــــحيني
يايمــــــه ارجعي تكفين وطفي شمعة الآهـــــــات
ابـــــيك انتي ولا غيرك على موتك تـــــعزيني
وضميــــــني وداويني مثل ما كانت الهــــقوات
ما ابــــــــي احدن يواسيني ابيك انتي تواســــيني
دخــــيلك بس لا تبكي اذا شفتي بي الدمعــــات
انا مقــــوى ابكيك اذا انتي تبــــكيني
منقووول },,,,
العرض العادي
