بسم الله الرحمن الرحيم
اخواني واخواتي : ........السلام عليكم ورحمة الله وبركاته .......وبعد
اثناء غيابي بحثت عن العديد من مشاركاتي فوجدتها ووجدت كذلك
مجموعه طيبه من الابيات الشعريه والتي قلتها وهي اما بيت اوبيتين
ورأيت ان بعض الاخوان في احد المنتديات وضعوها كتوقيع لهم بدون
ذكر صاحب البيت وحفاظاً على حقي ولعرضها لكم لأخذ رأيكم بها
احضرتها اليكم بعد جمعها....
ــــــــــــــــــــــــــــــــ
وش يقول ابن ادم لاوقفن الحروف ### وسط حلقه ولا يقدر يقول الكلام
ـــــــــــــــــــــــــــــــــ
انبت على شان عينك وردة خزامي ### وارمي بها في حنانك واحضن همومي
ـــــــــــــــــــــــــــــــــ
النور هذا بسمتك يا لحبيبه ### ا و خدك اللامع يجي كنه الشمس
ــــــــــــــــــــــــــــــــ
ايه يابنت مدي لي بكفك فنجال #### ماادري الكيف بالفنجال والا بيدك
ــــــــــــــــــــــــــــــــــ
وش حيلة المحروم من شوف غاليه ### ممكن نحصل عندكم له علاجي
ـــــــــــــــــــــــــــــــــــ
لازم اجنن من تجننت لاجله ### ماحلا الجنون لاصرت به انا وياه
ـــــــــــــــــــــــــــــــــــــ
يابنت كان الصمت لك عاده ### ياشينها من عادة قشرى
ــــــــــــــــــــــــــــــــــــــ
يابنت انا مجنون مجنون مجنون ### مجنون بحبك خمسة الآف مره
ـــــــــــــــــــــــــــــــــــــــ
ومع حبك تجنن خاطري جنا ### يجيني جني وجنوني يجنني
ــــــــــــــــــــــــــــــــــــــ
انا عذابك ياعذابك عذابي ### وانتي عذابي ياعذابي عذابك
ـــــــــــــــــــــــــــــــــــــــــ
ابتسمي خليني اوادع محياك ### في بسمة احيا بها طول عمري
ـــــــــــــــــــــــــــــــــــــــــ
مادمت انا مجنون فانتي لي شهار### من فضل يمناك الكريمه خذيني
ـــــــــــــــــــــــــــــــــــــــــ
خلك معي خلك معي وانت راضي ### أبشر من عيوني بعزة جنابك
ـــــــــــــــــــــــــــــــــــــــ
الصمت مابين الشفايف جريمه ### خلّي الشفايف تقتل العاشقينا
ــــــــــــــــــــــــــــــــــــــ
حطيتني بيدك كما لعبة أطفال ### مرن تشيله فوق ومرن تحطه
ماهيب تعجبني سواليف الأشكال ### اكتب حروف العشق بيدي واخطه
ـــــــــــــــــــــــــــــــــــ
انا ون كان بي عذروب فعذروبي وسيع البال ### واسامح وادمح الزله وانا الاول بترتيبي
ــــــــــــــــــــــــــــــ
ترى البكاء يابنت يحرق عيونك ### ترفقى لاتفقدى حاسة الشوف
ـــــــــــــــــــــــــــــــــــ
ايه اعشقك ايه احبك غصب عن عينك ### متى الهوى يستاذن المغرمينا
ـــــــــــــــــــــــــــــــ
أفديني بعيونك وابافديك بالروح ### وروحي وروحك واحده ياحبيبي
ــــــــــــــــــــــــــــــــــ
قلبك دليلك يا ليته يعرف او صافي ### يرسمني لك رسمة الفنان للصوره
ـــــــــــــــــــــــــــــــــــــ
اعشقك واموت فيك يابعد كل البشر ### كيف تهنا لي حياتي وانتي عني رايحه
ــــــــــــــــــــــــــــــــــ
أنشهد ان العشق يذبح بلا حد ### ياليت له حد يحدد مصيري
ـــــــــــــــــــــــــــــــــــــــ
ميت ا نا ميت بجسمي وانا حي###لانيب انا حي ولاني بعد ميت
ــــــــــــــــــــــــــــــــــــــــ
يابنت انا مجنون من دون تجنين ### خبل ٍوطقوه بعصا ياغناتي
ـــــــــــــــــــــــــــــــــــــــ
انتي لوانك بغيتي الشمس بيدينك ### أجيبها لك وازود فوقها الثريا
ـــــــــــــــــــــــــــــــــــــــ
حتى الجنون اليوم ماهو على الكيف ### اما جنون جنون والا بلاشي.
ــــــــــــــــــــــــــــــــــــــــــ
لاتمنعين الظل عن شوفة الشمس ### دام الهدب قبل الخجل قد منعها
ـــــــــــــــــــــــــــــــــــــــــــ
انا اشكي من هموم الليل ولا به من يجاوبني ### كأني أسأل الدنيا سؤالن صعب تفسيره
ــــــــــــــــــــــــــــــــــــــــ
بعض العرب لامن تبسم تشافيت ### وغيره ليامنه تبسم مرضني
ــــــــــــــــــــــــــــــــــــــ
انتي بريئه وانتي كل البراءه ### انا اللي اصلا متهم بالجنيه
ــــــــــــــــــــــــــــــــــــ
القلوب اللي قردها الله تحب ### وش تبي به والمحبة رايحه
ـــــــــــــــــــــــــــــــــــ
لو تكسرين القلب يابنت نصفين ### لعنت أبو جده وقلت أنت غلطان
ــــــــــــــــــــــــــــــــــ
كان أنتي عني تسألين الليالي ### أنا سألت الكون كله بكبره
ـــــــــــــــــــــــــــــــــــــ
زيديني بالتعذيب أزيدك قوافي ### لانقش على صم الصفا أروع أبيات
ــــــــــــــــــــــــــــــــــــــ
قللي وشلونك كيف هي احوالك #### تراني أنشد عنك هجوسي
ـــــــــــــــــــــــــــــــــــــــــــــ
انا اللي لك ياغناتي صابر وصابر ### ماوالله اقطع رجا شوفتك بالمره
انا معك وانتي فيني جفني الساهر### انتي حياتي وموتي خيره وشره
مادمت اناساكنن في قلبك العامر ### حي الله اللي يجيني برده او حره
ــــــــــــــــــــــــــــــــــــــــــــــــــ ـ
ربي خلقني صابرن والصبر زين #### والصبر في بعض المواضع عباده
ـــــــــــــــــــــــــــــــــــــــــــــــــ
الشعر مايرفع رجالن على رجال ### مايرفع الرجال ياكود ذكره
ماكل من قاد السفينه الى الجال### رايـع ويعجبنا بفعله وفكره
ــــــــــــــــــــــــــــــــــــــــــــــــــ ـــــ
تدلعي لاجل الدلع لايقن لك ### وش الدلع لولادلعك ودلالك
ــــــــــــــــــــــــــــــــــــــــــــــــــ ـــ
الشعرانايابنت مايرفعن فوق ### انا اللي ارفع هامته فوق الامزان
ــــــــــــــــــــــــــــــــــــــــــــــــــ ــ
الصمت ماهو بكل الاحوال حكمه ### أحيان صمتك يابن آدم غبينه
وسلامتكم ............واتقبل آرائكم واقتراحاتكم بكل سعة صدر ....
وتسلمون............
العرض العادي
