جيت للطايف وقلبي يا تركي كـان سالـي وابتليت بشوفة اللي ضيقت صـدري عليـه
بنت ناس مادرت بي ما درت باللـي جرالـي حطـت بجوفـي سهـام وردتنـي للمنـيـة
صوبتني بالعيـون اللـي تـروع ولا تبالـي وانتخيت الصبر لكـن مابقـى لـي مقدريـة
مابقى لي غير دمعي واعتبرتـه راس مالـي قلت اسوقه في رضا بنت الكـرام الاجوديـة
علها لو شافت اللـي فالمحبـة سـم حالـي ترحم اللـي فـي هواهـا مبتليـة الله بليـة
سقت عبراتي وطاحت واظلمت سود الليالـي يوم راحت واتركتني كن لي ذنـب وخطيـة
اثر شوقي ما ذبحها بس هـي اللـي ببالـي سوت اللي مايسوى فـي حـروب عالميـة
استحلت قلب مسلم واستباحـت فـي قتالـي قتل نفس حرموها عقـب عصـر الجاهليـة
ويوم شفت الحرب ضدي قلت بشد الرحالـي واترك الطايف واهلها والشفا وارض الحوية
السفر لبريده نويتـه قـبل ساعـات الزوالـي صرت متجهز لدربـي بالرفيـق وبالمطيـة
دام قلبي صار جرحه من سبايب شخص غالي ماعلى قلبي ملامة لو سكـن بـرض خليـة
يمكن اسلا عنه وانسى دام قلبه مـا وفالـي واتريح يا تركي مـن حيـاة لـي شقيـه
ما خذيت الا نصيبي والله اعلـم وش بقالـي الوكاد اني مسافر بسـم مجهـول الهويـة
العرض العادي
