العام انا وياه ...!!!!

[ღ ][ وحيدة كالقمر ][ღ]

[align=center]ماكن صار ولا حصل بيننـا شـي
العـام انـا ويـاه واليـوم ويـنـه

زالت علاقتنـا كمـا زايـل الفـي
وزال الفـرح والهـم زادت سنينـه

ان كانـت الدنيـا ذا فعلهـا فــي
بصبر على دنيـا العنـاء والغبينـه

دنياً طوتنـي فـي سرابيلهـا طـي
وانا بخيـر وميـر عينـي حزينـه

راحت عسى يفدى ثراها مية حـي
وفدالهـا سكـان كــل المديـنـه

غرنوقـةٍ تأمـر علـيّـه وتنـهـي
غرنوقـةٍ مثـل الجواهـر ثميـنـه

غرنوقةٍ لوهي على النـاس تبـدي
خفت لهـا كـل العقـول الرزينـه

مامثلهـا مـن شـيّ مازيـهـا زي
ولافـيـه زيٍ تلبـسـه ماتزيـنـه

ياعين من له عين فيها بحـر غـي
وياجسم من له جسم نحلـه ولينـه

ياكيف ابنسى نظرتـك لا ضحكتـي
وحجاجك اللـي بالزعـل تنفضينـه

وياكيف ابنسى ضمتك وسط حظنـي
لبّا نسمـك اللـي علـي تنسمينـه

بعـد الـذي قلتـه تروحيـن عنـي
مـدري قـدر ولا بعـد تقصدينـه

ان كـان قصـدك ليـه بالله قولـي
ماجاك من يمـي سبـب تكرهينـه

في ذمتـي ذمـه وذمـت خوالـي
والربـع والجيـران ذمـه متيـنـه

يشهـد عليهـا الله وحلفـي ودينـي
حلفٍ صحيح وصدق والله ضمينـه

اني هويتك يـوم جيتـي ورحتـي
وكل الغلا لـك بالحشـى حافظينـه

ناسخ لمـا قبلـك وللجـاي باقـي
غلاء شربه القلب ثـم راااح طينـه

تسوين نور العين يومـك حظرتـي
وتسوين روحٍ معك راحـت رهينـه

درب الهوى من بعدك اقول لـه ديّ
الـدرب باسمـك عندنـا خاتمينـه

بنهي على يدّك السنيـن المواضـي
وغيـر الصفحـه ودرب السفينـه

وبحاول انسى كل ما قد حدث لـي
وبسألك عن حاجـه بنفسـي دفينـه

لو نلتقي فـي يـوم بالله يـا مـي
تحييـن حـبٍ فـات او تقتليـنـه[/align]
[align=center]
صح الله لسان الشاعر ..
واتمنى ان تنال على اعجابكم ...[/align]

[بنت الاكارم]

تسلمين اختي غلى النقل والذوق الحلو

[ღ ][ وحيدة كالقمر ][ღ]

اقتباس:  المشاركة الأصلية كتبت بواسطة بنت الاكارم     تسلمين اختي غلى النقل والذوق الحلو

[align=center] هلا وغلا
حياك يالغلا
الله يسلمك ويخليك
لا تحرميننا من طلتك الحلوةةةةةةة
دمت بود[/align]

[مشعل السلمان]

صح لسان الشاعر


قصيده جميله


شكراً لك وحيده امها على النقل الرائع

[البراق999]

تسلم يمينك اختي وحيده امها على الاختيار الرائع للقصيده
ومشكوره يالغاليه
وصح لسان شاعرها

بانتظار الجديد والمزيد

دمتي بالف خير

[العابره]

بعـد الـذي قلتـه تروحيـن عنـي
مـدري قـدر ولا بعـد تقصدينـه



اهنيك على حسن اختيار ك عزيزتي ابياااااات معبره وجميله

سلمت يداك على نقلك المميز ..

لك جزيل الشكر والتقدير

دمتي بخير..

[راعي الاوله]

مامثلهـا مـن شـيّ مازيـهـا زي
ولافـيـه زيٍ تلبـسـه ماتزيـنـه

قصيدة فعلاً جميلة ... وكلمات معبرة ..............
الشكر كل الشكر لوحيدة امها على النقل المميز