النصــيب ..

[بنت قطر]

الســــــــــــلام عليــــــكم ورحمـــة الله وبركاته



اول شي احب اقول لكم شحالكم انشاءالله بخير ..

اخواني هذي قصيده اعجبتني لشاعر محمد الشهري

قريتها بمجلة المختلف وحبيت اطرحها لكم ..




ابد ماجيت ابارك ولكن جيت اوصيك ..
على اللي ناوي تدخل بها الليله .. معذبتي

ترى لولا الظروف اللي عطتك وحدت محاكيك ..
قسم بالله ماتدخل عليها لو على رقبتي ..

ولكن النصيب اقوى ولا ادري وش اسوي فيك ..
نعم .. صارت معزبتك .. ولاصارت معزبتي ..

كذا شاءت بنا الاقدار تحرمني لجل تعطيك ..
كذا لازم عشان تفوز انت .. اخسر بتجربتي ..

تراها غاليه جدا .. وتكفى .. والله يخليك ..
تدللها .. تدلعها .. تنسيها مصاحبتي ..

انا من كثر ماغليها احس اني بديت اغليك ..
ولاتسأل باية حق؟ ولا وش مناسبتي ؟..

لانك لو بتسألني بتسمع شي مايرضيك ..
لذا ياخوي لاتسأل ولا تسمع لاجوبتي ..

ابيك تحطها في داخل عيونك وبين ايديك ..
وهي دلوعه اعتادت على كثرة مداعبتي ..

فداعبها شوي شوي حتى تشتهي طاريك ..
وشاغبها الين تقول لك : بطل مشاغبتي ..

واذا هي مالها خلقك ولا تضحك ولاتسليك ..
تحملها واسألها : ياعمري ليه عصبتي ..

وبالك اسمع انك يوم تضربها وهي تشكيك ..
مايحتاج اوري لك بفن الضرب موهبتي ..

صحيح انك بتملكها ومعك العقد بالتمليك ..
وانا عارف حدود الله ومن حقك معاقبتي ..

ولكن قلها المجنون وصاني وهو يعنيك ..
يقول انه بينتظرك ولو شيب وشيبتي ..

وانا مجنونها اللي مانساها وانت مايمديك ..
تغطي ذكرياتي في هواها .. وربع تجربتي ..

احس اني تماديت بكلامي .. والغضب حاديك ..
لو انك في مكاني ماتفكر في محاسبتي ..

كفاك اني تركت الليله اشغالي عشان اجيك ..
دخلت القاعه برجلي ولا ادري وين عاقبتي ..

وانا ماجيت اخرب عرسك الليله ولا اذيك ..
انا جيتك عشان اخاطبك واسمع مخاطبتي ..

توصى .. وانتبه .. واحرص عليها .. والله يهنيك ..
ترى كل الكلام اللي طلع من ضيقي وكبتي ..

ولكن ماقدرت اني اقوله وانت مايخفيك ..
اخاف اني اذا قلته تقوم وتقطع رقبتي ..




اتمنى تعجبكم مثل ماعجبتني


بنت قطر ..