قصائد لبنات نجـــــــد

[عقل حر]

هذه مجموعة من القصائد لشاعرات من نجد اتمنى تعجبكم

=-=-=-=-=-=-=-=-=-=-=-=-=-=-=-=-

من شاف جورالظلم والكره والويل
ماهي غريبه لو بكت لأجله الشمس
ومن عانق جروح الزمن والغرابيل
مجبور بكفوف الألم يصفق الخــــمس
لا تسئلوني عن سبب هدة الحيــــل
أنا ضحية مدعي الحب بالــهـمـس
كان بحياتي بسمة الصبح والليــل
شخصٍ تناقض فيه يومه مع الأمــس
يصدق معي مرّه ومرات تمثيــــــل
والصدق يكفي عن وضوحه ولولـمس
واللي وقع حظه على مفرق السيـل
ماهي غريبه لو بكت لأجله الشمس

بنت العاصمه
=-=-=-=-=-=-=-=-=-=-=-=-=-=-=-=-

أتعبتني يانور عيني على مـاش
أثرك مع غيري ولا قلتها لـــــــي
من عاد لك بالحب لاعاش لا عاش
إن عدت ما ني من بنات الرجالــي
والله ما أرجع في هوى كل غشاش
مرً معي ومرار ماله ومالـــــــي
والله ما أرجع في هوى كل غشاش
لا أتبع اللي بالهوى ما صفــا لـي
ودي أصارع هم وحزون وهـواش
واليوم فيك أطيع منهو حكى لـــي

ليالي الخليج

=-=-=-=-=-=-=-=-=-=-=-=-=-=-=-=-

رغم الظروف القاسية والبهاذيل
رغم عيون الناس واللي سمعتـه
رغم دموع العين والهم والويـــل
رغم الذي عانيت حبك حفظتــه
لا تحسبني بسمع القال والقيــــل
حكي العواذل ياحبيبي رفضــته
حبك علي غالي ولافيه تبديـــــل
لو الثمن روحي لحبك بذلـــته
شوقي لكم ماتفيد فيه المراسيل
ما ينفع المشتاق حرف كتبتــه
أبيك عندي نقضي الوقت تعلـيـل
أنسى أنا وياك هم عرفــــته

عنود نجد

=-=-=-=-=-=-=-=-=-=-=-=-=-=-=-=-

جيتك وقلبي حامل كل الأشــــواق
جيتك ونبضاته تزغرد بالأحسـاس
جيتك أمل جيتك فرح جيتك إشراق
جيتك وفاء وإخلاص ياطيب الساس
جيتك على أشفاهي تراتيل مشتاق
متلهفه لقياك ياشمعة النـــاس
أبني بك الآمال يانبض خفّـــــاق
وعمرالذهب ياشوق ما يصدي نحاس
تم إجتماعي بك تحت إسم عشــــاق
ومن لامنا يارب يبلى بالإفــلاس

بنت نجد

=-=-=-=-=-=-=-=-=-=-=-=-=-=-=-=-

تحياتي