السلام عليكم أسعد الله صباحكم جميع مبطي ماتغزلت :
انت الملك واعرف ترى قلبي لجل عينك وطن
حكمت قلبي صاحبي حكمت في شلفا حلاك
انت الحبيب ولا عليّ من واحدن فينا رطن
خل العواذل تحترق ياجعل يفدونك عداك
بعطيك من مشاعري وارجوك ياخلّي عطن
غرّد وزوّد بالحكي مادمت ما اسمع سواك
ياكبر قدرك صاحبي شيٍ ظهر شيٍ بطن
واللي اكنّة داخلي يازين ما اظنة خفاك
وحروف شعرٍ صادقة لجلك على العذب إقلطن
واستغرب اللي لامني يقول إركد وش حداك
ما اريد احد يلومني والبيض لو جنّ وسْطنّ
تصبح اسير بسجنهن ما ترجهن يكبر بلاك
صعبة تسجّ اعن الهوى ياصعب قولة ما فطن
وشلون اسج إعن الهوى وانا حياتي في لقاك
دربك وعر ياصاحبي يقولة اللي يحبطنّ
حلفت ما اسمع واحدن يلوم قلبي في غلاك
مدمت مخلص نيّتي صدق المشاعر تربطن
مع الوليف اللي غيابة يرسم دروب الهلاك
لجل كذا انت الملك والقلب ياروحي وطن
وارجوك لا لا تبتعد انا فدا شلفا حلاك
وسلامتكم ........... واتشرف بآرائكم
العرض الشجري