[كل أرضٍ تشيلك يا ثقيـل الحمـول
وكل وقتٍ كريٍـم بالرضـا والزعـل
وين مارحت تلقى لك حبيب وعذول
وين ما كنت تلقى مثل ياسـك أمـل
ياطريق الترجي والولـه والنحـول
والله إني مشيتك ليـن حـد الثمـل
لا تظن المسافـر م يسـو الرحـول
من وقف دون حلمه عاجزٍ ما رحـل
وما لمخلوق منجا في الحذر والجفول
ما تصيب السهام ولا يطيش الأجـل
الليالي خوات .. مير منهي البتـول
والحوادث عشاير مير وين الفحـل
أتذكّر في عين الشمس طفلٍ خجـول
شالته في هدبها وقت ليـن إشتعـل
أعجب الناس وهجه بالجدل والفضول
ما دروا عن جمال الجرح لين إندمل
إن لثمت الزهور وصاحبتني الحقول
ماهقيت ان صافي الشهد عيب النحل
إن تعبنـا نحـب ولا لقينـا قبـول
ما تسر الأمانـي ولا يفيـد العـذل
مابقى في ضلوعي كود ريح معمول
وثوب شاشٍ عليه من الندامه وحـل
لكن .. الله كريم وكـل هـمٍ يـزول
ما على الله بعيد .. ولا جفاك المحل
كل أرضٍ تشيلك يا ثقيـل الحمـول
وكل وقتٍ كريـمٍ بالرضـا والزعـل
العرض الشجري