عطـــــرك .... وفــــــــــى .

[أسيل محمد]

عطرك وفي ..وألا أنت مانـي مسميـك..

وأرجوك سامحنـي اذا الحـب سمـّاك ..!!


وادعتنـي فجـأه بتلـويـح أيـاديـك ..

وكذبـت كفينك.. وصدقـت ممـشـاك ..!!


تبعد وانا مـا بيـن واقـع وتشكيـك ..

تمسي بحضني واصبح اليوم ما ألقاك.. !!


ياصاحبي وشفيك وشفيـك وشفيـك ..؟؟؟

غير الأمان وصادق الحـب.. وش جـاك ..!!


لو هي زعل .. مانـي بعاجـز لراضيـك ..

لو هي ملل .. في ذمتـي لرجـع أبـداك ..!!


يالتني مخطـي علـى شـان أوريـك ..

كيف أنتقْم مني .. لجـل أكسـب رضـاك ..!!


تعـاااال.. كـن النبـض صـوتٍ يناديـك ..

تعـاااال.. حتـى دمـوع عينـي ترجـاك ..!!


تعـاااال .. لا تنـدم ولانــي بشاكـيـك ..

وكل الجروح اللي جرت منـك تفـداك ..!!


ترى الخطا ياصاحبـي مايجـي فيـك ..

أنـا بحمّـل فـوق حظـي خطايـاك ..!!


لاتشيـل هـم أعـذار.. ياخـل يكفيـك ..

طلتك عذرك فـي نظـر مـن تمنـاك ..!!


ماني مصدق كيف من عمـري أنهيـك ..

وأنـا حياتـي تنتهـي يـوم فـرقـاك ..!!


أصعب من التفكير في كيف أخليـك..؟؟

مرّ الصبـر لآمـر طيفـك وذكــراك ..!!


لـو كانهـا دنيـا وقـدرت تنسـيـك ..

طب ليه أنا ما انسـى ودنيـاي دنيـاك..؟!


قد قلت لي : " ماظنتي شي يبكيـك " ..!؟

بس الفراق أبكى عيونـي ولاأبكـاك..!!!




مما راق لي ..