لو خانك اعز ناسك وش الابيات اللي ستظهر منك

[ŋŌuƒ]

لو خانك أعز ناسك سواء حبيب أم صديق

فماهي رسالتك لهذا الخائن ؟؟

ماهي الأبيات التي تود أن تنقلها لــــه ؟؟


الفراق , الخيانه , العتاب , الغياب , الجفا !!













ارجوك تسكت لا تكلم ولا بحرف
مالك عذر مالك كلام تقوله

ياشيـخ اسف وين بلقي لها صرف
مادام قلبك انكشف لي ميوله

ياماعيوني اذرفت دمعها ذرف
وياماسهرت الليل اشتاق واوله

راحت حياتي وانا من جرف لي جرف
وانا احسب ان الحب هذي اصوله

انا دخيلك ودي اليوم اعرف
وشلون تنساني بهذي السهولة؟؟

هي الخيانه والكذب عندكم عرف
او الوفاء في هذا الزمن ما تطوله




ملكة الاحساس.....

[سماااهر]

مهما حصل مانفترق..
دام الأمل فينا صدق
يمكن تغيرنا الظروف..
طبع الليالي ماتروف.!!
بس المهم ماننتظر. .
دمعة تعاني وتحتضر..!!
وتبقى معي بنفس الطريق.
أصدق بشر و"أغلى صديق" .. !!

"عنــــــ مشااااعرـــــــــــدي "

[الفتـ الذهبي ـى]

موضوع رائع جدا ..



والله لخلي عزتك تحت ماطاي
تمشئ وعينك ما تعدا مواطيك
ابيك درس لكل خاين وناسي
وافهمك قدرك وقيمت مباديك
والله لهينك لين تبكي تبي رضأي
ذليل تكسر عين منهو يراعيك

[التواق]

أعدمت عشقي برصاصة الخيانة القاضية ..

وبعـــد ... في نهاية المطاف لا يسعني سوى أن أتمنى لك السعادة مع ضحيتك الجديدة ..!!

[الفتـ الذهبي ـى]

عطني قلم
بأكتب
على القلب
ناسيك
حتي اليا منة تذكرك
ينساك
خلاص
عقب اللي حصل منك
ما ابيك
وما دمت انا هنية
فارقني هناك
غلطة حياتي
يوم تقفي واناديك
لكن بيجي يوم
واقول الله
وياااااااك

[جداوي2008]

كثير اللي يخوووون الود ويعني لوتخونيني

انا ادري وش ضيعني شعوري وطيب نياتي

لعبتيها معايه صح عرفتي كيف تنهيني

عرفتي للأسف وشلون أبدأ في نهايتي


مشكوره على طرحك المميز

تقبلي مروري

[ŋŌuƒ]

شكرا لكل من مر من هنا..............دمتم بود وسعادة







على مـبـدأ الـفــراق الـمــر .. يـا خـلـّي فـمـان الله
وعلى مـبـدأ فـمـان الله .. يا خـلـّي تـذكــرنـي ..!

وعلى مـبـدأ تـذكــرنـي .. تـذكـر حـبنـا وش جـاهـ
تــذكـّـر قــد مـا تـذكــْر .. ولـكـن لا تـفـكـّـرنـي ..!

تـصـورنـي مثـل لـيـل ٍ بـهـيـم ٍ .. حـالـك ٍ مـســراهـ
إلى ضاعـت بي دروب المسا .. والـدرب حـيرني ..!

وقفت .. من العـنا تايـه .. على حـدّهـ ويا مقسـاهـ
يـسـنـدّنـي على هــم .. وعلى غــم ٍ يـحــدرنـي ..!

وتـصـورني مثل طفـل ٍ .. يتيـم ٍ .. مـد لـك يـمـنـاهـ
تنهت .. وانكسر صـدرهـ يقـول : الوقت قاهرني ..!

تـثاقل دمـعـتـينـه فـي عـيونـه .. والزمـان أبكـاهـ
وأنا لولا " دموعه / وانكسارهـ " ويش يسهرني ..!


أبرحل .. من عنواينك ..
وأبترك ..

" وردتين و وآآآهـ "

بقآيآ عشقنآ المجروح ..
وأن قصرت .. فـ اعذرنـي ..!


وإلى مني رحلت .. ورحت .. لـآ تسأل عن اللي تآهـ
أبي تسأل عن اللي سآبني .. وقفـّى وبعثرنـي

[سيــ بريدة ــف]

ليتك تموت اليوم وارتاح انا منك
ويرتاح قلب بالخيانه طعنته
ليتك تموت وبثوب اسود اكفنك
وطوي معاك صفحة عذاب رسمته
ليتك تموت بداخل القبر انا ادفنك
وادفن مع الجثمان جرح جرحته
ليتك تموت اليوم محد درى عنك
غير الخفوق الي وفالك وخنته
ليتك قبل ماتموت في صدرك اطعنك
واصيح باعلى صوت حقي اخذته
يلعنك قلبي والاحاسيس تلعنك
ويلعنك دمع صادق لك نثرته
جنتني يجعل ربي يجننك
لا واحسافه ليلي الي سهرته
منت كفوا قلبي له سنين حنك
منت كفوا اللي من اجلك فعلته
غدار خاين سنين القلب ماامنك
قلبي عطالك الحب وبيدك ذبحته
وش موقفك لوكنت انا اليوم خاينك
وش هو شعورك لو فؤادك غدرته


*************


جيتك وكلي جرح يامسبب الجرح **** عطني دوى المجروح ياجارح الروح

جيتك بعد ماتاه فكري من السرح **** سارح أفكـر فـي سويـاك وأنـوح

مليت أعيد بالقول وأزيد بالشرح **** يرجع صدى صوتي من الهم مبحـوح


***********


غرك زمانك لاكن الوقت خداع = يبي يجيلك يوم تشكي من جروح

مادمت تسعى ياهوى البال لطماع = خلك على دربك وسعيك لي مصلوح

من باعني ما ابطيت بعته كما باع = واللي شرى لشريه وافديه بالروح

من أولا يوم انت صافيا ومطواع = وانا على شانك اعمرلك اصروح

والليوم ضاع الحب ياحبيبي ضاع = وماني على لقياك يازين مشفوح

نزعت حبً راح من بين الاضلاع = حتى خيالك دمه الليوم مسفوح

الغدر طبعك كنت بالدور مبداع = خدعتني والقلب بيديك مذبوح

مالك وفى للحب شديت لشراع = على سفينة حب مع شخص مذبوح


*************


خلـي جرحنـي
وبغرامه فضحني
ساعـة فضحنـي
ماتركلـي بقـايـا
غــره شـبـاب
ليـن زود عذابـه
والـهـم جـابـه
واستباح الخفايـا
ماهـو بـنـاوي
لو نسوق الرجاوي
صـب البـلاوي
بالعروق الضمايـا

[الفتـ الذهبي ـى]

من باعني ما ابطيت بعته كما باع = واللي شرى لشريه وافديه بالروح

[جداوي2008]

يبكوا من حالهم ويملوا الدنيا صراخ..

ويضحكوا من اللي يصرخ

ويقولوا وش به الانسان ..

ماله الا الآلام !!!

***

عجيبة يا عالم .. تسوي اليوم في الناس ...

وبكرة تلاقي نفسك منداس ..!!

***

عجيبة تعطي الناس كل حياتك ..

وهم ينتظرون مماتك ..

***

عجيبة ... ان كل شيء مطلوب

اصبح له تعريف مقلوب

***

[ŋŌuƒ]

ليتك قبل ماتموت في صدرك اطعنك
واصيح باعلى صوت حقي اخذته

.................
من باعني ما ابطيت بعته كما باع = واللي شرى لشريه وافديه بالروح
..................

مقطوعات رائعة...










أحبــه حب هالكني

سكن فيني تملكني ..!

أنا لو أتركه لحظات ..

أحس الروح تتركني !!

لكن بتركك ولو اني..
اعرف انى حطيت السيف برقبتى....

[مـلاك الصمت !]

يستاهل هذي البيت


كانك لقيت اللي بحبه مصافيك أنا لقيت اللي مسح ذكرياتك

شكراً ملكه




دمتم بخير

[’ ŚĀM]

تحسب إني بجي عندك حبيبي وأنحني لرضاك
وربالكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبهجرها و بهجر كل شخص لي يطريها

[ŋŌuƒ]

العفو اميرة........





لوخسرتك ماخسرت العمر.. والدنيا متاع
وأدري أني لو خسرتك ماخسرت.. إلا قليل

بس فكر زيــن تعرف من خسر فينا وضاع
وتعرف إنك لو تلف الأرض .. وتدور بديـــل
والله إن تبـــطي ولو لفيت كل البقــاع
ولو تسوي وش تسوي ماأنت لاقي لي مثيل!

وين تلقى مثل شخصي شخص..وطباعي طباع
ووين تلقي مثل قلبي قلـــب .. أو مثلي خليــــــل.

البشر واجد .. نعــم .. لكن فرق الانطباع.!
يجعلك يمي تمـــــيل .. ويم غيري ماتمـــــيل....

يارفيقي .. انتبه .. واحسن إلي الاستماع..
للمواقف دور في كشف المزيف .. والأصـــيل..

وأنت ماقصرت فيني موقفك جـــداً شجاع..
طعنتك في الظهـــر كانت إثبـــــات ودليـــــــل....

بيض الله وجهك اللي ساتره تحت القناع
ورايتك بيضا معاي وياعسى عمرك طويــل...

يعني أعطيك الثقة وتردها ب"لوي"الذراع!!
ياخـــي ماشاء الله عليك أبدعــــت في رد الجميل..

مــــدري كيـــف أشكرك!
مـــدري كيـــف أرد الصــــاع صـــــاع!!
كنت أحسب أنك عزيــــز النفس .. تطلع لي ذليـــل...

كم وأنا عييت أصدق فيك قدر المستطاع
من غبائــــي كنت أسكت وأعذرك .. وأثر الحصيل!!

جـــرح قلبٍ ميزته في كل يوم الاتســــاع..
ودمع عــــــين" ينهمر من ضيقــتي في كل لــيل...

والله والله إني كنت أحبك حب .. وأتبعك إتباع..
كنت لجل أرضي غرورك بــــس ...أسوي المستحيل

كنت أعمــى فيك .. لا.. لا .. ميت للنخــاع..
كنت مدري كيـــف لكن كنت صادق معك حيــــل...

كنت أمارس في غرامي لك سياسة الانصــياع
وكنت لاغـــي معك فكرة أعتـــــزل او أستقــــــيل....

اندفعت بكل مافيني .. وسوء الاندفــــــاع...
يجبـــر الإنسان أحـــــــياناً.. يفكر بالرحيـــــل...

صدمتي فيك إنت .. خلتني أفكر باقتناع..
إن قتل النفس راحـــــة لو أنا كنت القتيــــــل...

انفجر راسي من التفكير.. وازداد الصداع
كيف أنا بفتك من جروحك ودوشة "قال قــــيل"

صرت سيرة في حلوق الناس.. وتالي هالضياع
" انتـــــــــــحر معقــــول ! ياالله وش هذا الغليــل..

رحـــــمتك يارب لامن ضاقت امنحني وساع..
أنت حسبي في الزمان الجاير ونعـــــم الوكيــــل...

لا غدى "مستقبلي والماضي" أطراف النزاع..
وصفحة الماضي ســـــواد وشئ من هذا القبيـــل...

فلازم انســـى لجل أنهي بداخلي هذا الصراع..
ولازم أتقــــــوى .. عشان أحقق النصــــر الجليــل...

وطالما إن الهجوم أفضل وسيلة للدفــاع...
مستحيــــــل أرضخ لو أن الحمل ياربعـــي ثقيــــل...

والبخيل اللي نساني واشتري فيني... وباااع...
يذلــــــــف .. الله لا يـــــرده .. والله بجرحي كفيــــل...

وإن سأل عني وجاكم بعد فترة انقطاع!!!
علموه أني نسيتــــه بـــــس أنا ماني بخيــــــل....

طالما كان السبب في قوتي .. قــبل الوداع...
بلـــــغوه أقل شئ بخالــــــص الشكـــر الجزيــــــل..

[مـلاك الصمت !]

قطعت حبل الود ماهي شطاره توني عرفتك زين مافيك وجدان ياما لعبت بالحب بأسم الحضاره خنت الوفاء وتستاهل [mark=FF0000]وسام خـوان[/mark] ..!