السلام عليكم ورحمة الله وبركاته
صباح الخير والمسرات والنور والسرور ان شاء الله انتم بالف خير وعافيه هذي قصيده اعجبتني وحبيت اني انزلها في المنتدى وابي اعرف هل هي اعجبتكم كما اعجبتني
مع العلم اني لااعرف لمن هذه القصيده والي يعرف صاحبها يقول ولكنها اعجبتني صراحه
.................................................. .......................................
اسمعي والكل منا له هواه وله ميوله
لا تمسين بكلامك شعره بروس القرايب
ان حكيتي ما وفيتي وان تحديتي عجوله
تحسبين ان كل فعلٍ تفعله يمناك صايب
تحسبين انك خذيتي بالحشا صوله وجوله
تحسبين اني ذكرتك مع نسانيس الهبايب
والله انك لو ذبتي خافقي لا القاك حوله
عاشقة تشقى بقلبٍ من طريق العشق هايب
ادعيت انك خجوله وادري ان منتى خجوله
وأدري إنك تخجلين الشمس من فوق السحايب
ما يحببني بقلبك يالهنوف إلا فضوله
وما ينسيني غرامك غير تكرار المصايب
تستبيحين القلوب وتستحقين البطولة
واستحق أعيش بعد تايبٍ وأموت تايب
يا كثر ما شال قلبي شئٍ أكبر من حموله
ولا عفيتي عن غلاه ولا بخلك بالوهايب
كنت أرحم من همال المزن للزهر بذبوله
وإنتى أقسى من سموم القيض وكفوف اللهايب
كن قلبي في وصالك وابلٍ لحظة نزوله
وفي فراقك مثل دمعة تنحدر من عين شايب
كنت غصن كل كفٍ غير كفك ما يطوله
كنت درب ودمعتين وقلب وجرح عطايب
كنت أبيع العمر كله وأرخصه عرضه وطوله
للعيون اللى هدبها ثامن السبع العجايب
كنت أبي وقفة حبيبة تنهض القلب بخموله
طامحٍ بالعشق وانتى عايبه والحظ عايب
بس ابرضيلك غرورك واكسر القلب بذهوله
وقتها ما كنت افكر صايبٍ أو كنت خايب
والرجل لو ما تحلى بالشهامة والرجولة
صدقيني صعب يقدر يملك قلوب الحبايب
صدقيني ما يوالف خافق البنت بسهولة
بالهوى يابنت حوا غير طلاب النشايب
والسهر والعشق الأول والهوى واللى ينوله
شئٍ أقسى من همومك والعنا حاضر وغايب
والهموم اللى دعتني من بعد سن الطفولة
كلها من تحت راس العشق ملعون الصلايب
منقوله مع الشكر والتقدير لصاحبها
العرض العادي
