أهلين بالجميع .
تقوم ادارة تعليم البنات ممثلة في ادارة اتوجية وارشاد بحملة
( لا يروح بالكم حملة حج او حملة عمرة )
(او يروح تفكيركم انها تحث المعلمات على الحمل وزيادة النسل )
ترها ماله من اجازات الامومة ولو بيدها تسوي استصال للارحام
( ماحد يولومها غياب المعلمات اكثر من حضورهن والسبب الحمل...)
وين انا رحت طلعت على الردميه وتركت الموضوع .... الكبر شين لا تلومني ...
نعود للموضوع تراي ( نعود ) اخذها من احدى القنوات الفضائية ..... يمكن اي واحد يستخدمها ماهي ملكي
( علامة مسجلة) صار الموضوع قطع غيار سيارات ماهو حملة توعية وارشاد.!!!
عدنا للموضوع .. هذه الحملة تركز جل اهتمامها على النظافة وهذا شئ طيب ومطلوب وتشمل جميع
المراحل ( ابتدائي \ متوسط \ ثانوي \ مافيه شئ خلاص خلصت المراحل سكر القوس ) .................
والله يانتم مايمزح معكم على طول نطيتو بي بسم الله على .......
وسوف تتحمل مسؤلية اقامة الندوات والمحاضرات( الوحدة المدرسية للبنات )
>> يبي يطلع بعض المعلمات ويقولن خل الطبيبات اللي بالوحدة يشتغلن << ( يكرفن ) اكيد شايلات
عليهن يمكن مايعطنهن اجازات !!!!!
طبعا جميعنا ( اتكلم نيابة عنكم اكيد حنا اسرة وحدة.... ... زجهم على شأن يسكتون ) نؤيد قيام مثل هذه
الندوات والمحاضرات لـــــكـــــــــن ....... بيقول بعضكم الطشت خربها
( بدى يخور ليته ساكت ومنهى الموضوع ) لا....لا بيجي كلام زين انشالله بس الصبر زين
( وين الصبر ماضبعنا غير العجلة وانا اولكم الف قبل العاير) >>> ملاحظة اللي مايعرف العاير يرفع
اصبعة ....صار ة مدرسة مادام فيها رفع اصبع ...
اقصد على شأن >> اشرح >>ووضوح >> ..... ياكثر اللي بيرفعون الاصابع ( على شأن نقول هذولا
صغيرين>> بزارين < وهم عرود ) يعني كبار بالعمر ( سؤال ليش كل البشر ماتحب تكبر عمرها وخاصة
الجنس الناعم !!!
الخلاصة اللي ودي اقوله لان بعضكم تضايق وقال عن الطشت ( خواله مصريين مايسكت ) >قراقه <
لو استعانت ادارة التعليم بأطباء ( طبيبات >حريم < (( بعدين تقولون الطشت يدعو للاختلاط )) ... نفسيات ...
ومرشدات ... اجتماعيات >> لجميع المراحل وخاصة المرحلة المتوسطة والثانوية لعمل نقاشات بين الطالبات
وهؤلاء الاختصاصين لانه سوف يعود بالفائده والاجابة على كثيراً من التسأؤلات التي تدور في اذهان الكثير من
الطالبات وخاصة بهذه الفترة من العمر .
هذا لكم تحياتي
الطشت
العرض العادي
