يبه ويــنك ...؟؟

[هواجـــيـــس]

يبه وينك ! ؟؟؟


[align=center][/align]

ولهت لنظره من عينك ....

يبه وينك ؟؟

اشوفه طوّل غيابك !!

و من ودّاك .... ما جابك !!

قالوا ما يدوم الزين !!

و انا عندي امل للحين ..

و لا كني اعرفك وين !!


يبه وينك ؟؟

عسى الداعي يبه بس خير ؟!!

عساك بخير ....!!

مداين تكرم لعينك ...

بس ارجوك علمني ...

علمني .. يبه وينك ؟؟


سألت امي عن رجوعك ...

ولا كني اعرفك وين !!

و قالت ..

ما يدوم الزين !!

و انا .. عندي امل للحين ..

في رجوعك !!

يبه بس تكفى علمني ....

متى رجوعك ؟؟

يبه بس تكفى علمني .

وش احلى من طلوع اثنين ؟؟

طلوع الشمس .... و طلوعك

يبه وينك ؟؟

سألت امي ...... غيابك طال ؟؟


ولا كنّي اعرفك وين !!

و قالت مثل ما قالت ..

حسافه ...

ما يدوم الزين ...


مع كل هذا صدقني ..

انا عندي امل للحين !!

سؤالي عنك يالوالد ..

صار كما الموال

و اشوفه طال ...

والله طال ..

حزين .. بلحنه و حروفه ...

يخاف .. يموت من خوفه ...

و قلب ٍ كان اقوى قلب ...

ضعف .. من قسوة ظروفه ..

يبه ..

ارجوك علمني ...

تشوف اللي انا اشوفه ؟؟

انا اشوفك نهار و ليل ...

في وسط المجلس تصلي ..

و تدعي الرب ييسر لي ..

يبه ..

ما عاد بي من حيل ..

وين الحيل ؟؟

و انا اشوفك نهار و ليل ..

مع اني ادري ما ترجع !!

غريبه .. بعدها تدمع ..

عيوني من هموم البين !!

و ادريبه مكانك وين !!

مع َ هذا .. ارد و اسأل !!

يبه ....

وينك ؟؟

و لا كني اعرفك وين !!

شبكت العشر في غيابك ...

على راس ٍ كساه الشيب ..

و من وداك ... ما جابك ..

و لا ادري وش يخبي الغيب !!

و جرح ٍ عذ ّب احبابك ....

يبه ..عيّا يخف و يطيب !!

يبه.. كل جرح في الدنيا ..

مصيره بالدوا يلتم ...

و لكن البلا من جرح ..

نزف فرقاك ... بليّا دم !!

و هذا الفرق في جرحي ...

عجز يلقا الدوا دكتور ..

انا جرحي غريب الطور !!!

ينزف ... بس بليّا دم ..

و زاد الهم فوق الهم ...

و دام انك يبه غايب ...

جروح الغيبه ما تـلتم ..

بس عندي امل للحين !!

و لا كنّي اعرفك وين !!

يبه .. ذكراك تفرحني ....

في نفس الوقت تجرحني !!

لا من جبت في طاريك ...

دموعي غصب تفضحني ....

يبه .. تذكر ليالي الصيف ؟؟

عرس الحي .. و رقص السيف ؟؟

و كرم قلبك معَ هـالناس ..

كل ٍ كان في بيتك ضيف ..

الا يا حيف .... الا يا حيف ..

زمن قاسي ..

زمن قاسي ...

اخذ مني بلا رحمه

اخذ مني اعز ناسي !!

و خلاّ لي سهر هالليل ..

في عيني ضيف ..

الا يا حيف !!

يبه وينك ؟؟

تعال و شوف ...

كبرنا مثل ما تمنيت .

درسنا كل ما حبيت ..

نصلي مثل ما وصيت ..

و ندعيلك في كل ظروف ..

يبه وينك ؟؟

تعال و شوف ..

صحيح الدنيا ما ترحم ..

تجرعنا التعب انواع ...

و لكن الأمل ما ضاع ..

و انا عندي امل للحين !!

و لا كني اعرفك وين !!

يبه تذكر شطانـتـنا ؟؟

انا و اخواني و اخواتي ...

معانا عيال حارتنا ..

نلعب في زوايا البيت ..

يبه ... والله انا حنيت ..

لذاك الوقت في وجودك ...

الا يا ريت ... الا يا ريت ...


ترجع .. يا يبه حنيت ..

حسافه الدنيا ما ترحم ...

خذت منا سعادتنا ...

خذتك بعيد .. و خلتنا !!!

يبه امي تذّكرنا ...

بأيامك قبل ما تروح ...

تناديها.. يا روح الروح ..

تغازلها و تنظر لك ..

مثل طفله ...

ملامحها عشق مفضوح ...

في ذاك الوقت .. كنا صغار ...

معَ هذا ... كنا نغار ..

عليها .. او بعد منها ... كنا نغار

نحبك يا يبه ... ارجع

مثل شمس الفجر .. اطلع

حزينه الشمس في غيابك ..

و نفس الحزن في احبابك ..
واخاف الشمس من حزني ..

تغيب و ما بعد تطلع !!

يبه ارجع !!

اذا لي خاطر فـ قلبك ..

تعال و زورنا بس يوم ...

مع انه ما يكفينا .. نشوفك يوم ..

نبي حضنك يدفينا .. و نشوفك دوم ..
لكن قلّت الحيله ... و يمكن مـ البطا ضاعت ..



و قلنا يوم !!


يبه سامحني بترخّص ...

قبل ينشف حبر الأقلام ..

كلامي بعده ما خلّص ..

و لكن موعد الأحلام ..

حان ..

ولازم اوفي له..

بعد ما ضاعت الحيله ..

اشوفك والوعد باكر !!

اذا فكّر يجي باكر ..!!


و برجع اسألك وينك !!

بس لازم تجاوبني ..

ترى عندي امل للحين !!

و لا كني اعرفك وين ..!!


وسامحوني ,,,,

[الرمادي]

عندما تنطلق الكلمات من داخل القلب تحمل الإحساس والمشاعر الصادقة فهي ستكون سهاما تخترق القلوب

وعندما نحمل القلم لنكتب عن من نحب بصدق ونترك للقلم الكتابة بعفوية عن مافي دواخلنا فإن النتيجة لوحة ذهبية من الكلمات الرائعة

هذا ماشعرت وأنا أقرأ كلماتك أختي العزيزة هواجيس

فإن بادلناك كلماتك كلمات فلن نستطيع أن نجاري مشاعرك وأحاسيسك الصادقة


لذا لايسعنا إلا التمتع بإعادة قرأتها مرات ومرات إلى أن نقطع ولو نصف المسافة إلى عمقها البعيد


لايكفي أن اقول رائعة كلماتك ولكني سأقول بأني إستمتعت كثيرا بقرأتها

فشكرا لك على هذه النزف المشاعري الجميل

ولك تحياتي ,,,

[الاشقر6]

اختي هواجيس مساء الخير

صراحة اكثر من رائعة ،ولااخفيكِ اني استمتعتُ بقراءتها اكثر من مرة ، لانكِ استطاعتي ان ترسمي تلك الصور الجميلة بهذا الخيال الواسع الاجمل...

سيدتي،،،

ارجوكِ استمري في هذا الاسلوب ليس لانه جميل فقط بل لاننا سوف نستمتع ونتذوق هذا الجمال لانكِ استطعتي ان توظفي الكلمة ومعها روحها وصدقها واحساسها .


صراحة حاولت ارد عليها بنفس الاسلوب وبصوت الاب الذي يفخر بوجود ابنة مثلك ولكني عرفت قدر نفسي فآثرت التقهقر الى الخلف ولكن عيناي مازالت تطيل النظر في روعة تلك المقطوعة الجميلة الصادقة فعلاً ...

فلكي مني اصدق تحية سيدتي وسوف ننتظر القادم منكِ لاني واثقُ ُ من روعته كما اني واثقُ ُ من استمتاعي به ..

اخوكِ الاشقر6

[من الشمال]

.
.
مؤلم هذا الرفض


وقاتلة تلك الأحزان

لدي رغبة بقراءة هذه القصيده بنفس واحد

لعلي أفعل شيئاً

أشعر بهدوء الألم ومن ثَم غليان

لا أملك إلا أن أشبك أصابعي وأفرك راحتي

هذه الأوجاع كتبت بطريقة فعلاً غايه في الروعه وتوظيف جميل للكلمات وتناغم طاغي بين الحزن والأمل

فعلاً أنا لا أخرج عن حدود الصدق مجاملاً

فما لمسته من إبداع ليس وليد لحظه لابد أن لهواجيس حضور لا يستهان به
.
.

كتب الشاعر مسفر الدوسري قصيده رثاء بوالده (تشبه ) هذه...وأفردت لها صفحات بالمختلف وغيرها

وأنا أقول تشبه فهذه أروع بمسافات ضوئيه

وتستحق البقاء فأين المنصفون؟؟؟؟؟؟؟

شـــــــــــــــــــــــكراً أيهـــــــــــــــــا
الرائعه

[فيافي نجد]

يبه بس تكفى علمني ....

متى رجوعك ؟؟

يبه بس تكفى علمني .

وش احلى من طلوع اثنين ؟؟

طلوع الشمس .... و طلوعك

يبه وينك ؟؟

سألت امي ...... غيابك طال ؟؟


ولا كنّي اعرفك وين !!

و قالت مثل ما قالت ..

حسافه ...

ما يدوم الزين ...



اذا قلت إني دمعت دمعة وحدة أو ثنتين او ثلاث قليلات وانا اقرأ هالكلمات المؤثرة

روووووووعة اختي هواجيس تعبيرك الصادق عن إحساسك العظيم

الله يغفر له ويرحمه ويسكنه جنات النعيم ويوفقك لبره

[noor]

حبيبتي هواجيس

اعلمي أن الدنيا لم تكن يوما صفوا لأحد !

وإن أصفت يومها كدرت في سنواتها ..

أفصحي عن مشاعرك للوالد رحمة الله

ولن يلومك أحد في ذلك

لكن تذكري دائما أنه لن يحتاج منك سوى الدعاء ( أو ولد صالح يدعو له ! )




حينما نعبر بصدق

تنطلق الكلمات

وتتجمل العبارات

لتصوغ بذلك ..

أروع نص شهدته الخاطره

منك ياهواجــيس

واصلي إبداعك ..

وأخرجي مكنوناتك

فلا زلنا ننتظر منك المزيد والمزيد

وابقاك الله ذخرا لوالدتك

ورزقك برها

وشفاها وأبقاها سالمة لك من كل أذى

وجمع الله بينكم في فردوسه الأعلى

اللهم آآآآآآآآمين




ارجوك ابتسمي بعدها : )

محبتكـ / نور

[هواجـــيـــس]

شكرى الخاص جدا لكل من ساهم بالرد

للموضوع .............

من جد احرجتوني

هالكتابه مو من كتاباتي

الحق يقال

الله يعطي صاحب هالكتابه الرائعة

الف عافيه