[poem=font="Simplified Arabic,4,sandybrown,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عهدي بهـا قـدّام تلبـس عبايـه
= وأنا بعد قبل البس شمـاغ وعقـال
طفلين نتهجّـى حـروف البدايـه
= الله ياماأجمـل سواليـف الاطفـال
كانت لنا في كـل شـارع حكايـه
= وكنّا نقول علـوم ماهيـب تنقـال!
وكنـت اتقاسـم مامعاهـا معايـه
= من(عسكريم) التوت للعلك ابوريال
وكانت بعكسي شاطره في القرايـه
= تقرأ جـزء عـمّ وطـه والانفـال
وأنا لك الله مـن مـواري غبايـه
= مدري ابو نقطه هو الـذال او دال
وكانت لابويه تشتكي مـن شقايـه
= وتعلّمه كيف اربط البـاب بحبـال
ياما على ظهري كسر من عصايـه
= يقول لي:خلّك وأنا ابـوك رجّـال
وامي تقـول:ادع لولـدك الهدايـه
= خوفي تصيبه كثرة الضرب بهبـال
لاشفتها مـع اول الـدرب جايـه
= مدري أنا اللي ملت ولاّ الوطا مال!
احسّ قلبي يرتجـف فـي حشايـه
= ماكنّه الاّ الضيـف لاهـزّ فنجـال
ياما عن"السّعلـي" تخبّـت ورايـه
=لاخوفوها فيه ثـم شافـت ظـلال
تقول:خـلّـك يامحـمـد معـايـه
=واسّتأنس العب عندها دور الابطال
وآغار حتّى من عيـون اصدقايـه
=لاطالعوهـا قلت:تكفـون ياعيـال! [/poem]
الشاعر العذب :: محمد النفيعى ::
العرض العادي
