$$$ لاقلت يمه.. حنان الاسم يكفيني $$$

[سلطانة الغيد]

لاقلت يمه.. حنان الاسم يكفيني
وشلون ... ضمت يدينك .. يابعد رأسي

يمه يايمه دخيلك .....لا تخليني
محتاج قربك ..وحضنك يابعد ناسي

محتاج عطفك دخيل الله ضميني
لاتتركيني .. لدنيا ,,,, قلبها قاسي

يالغاليه بشوق جيتك .. لاترديني
جيتك وخطوات رجلي تسبق أنفاسي

محتاجلك حيل .. ومحتاجك تلميني
من قسوة الوقت..ومن تعذيبه القاسي

أبي بعيونك عن احزاني تشيليني
وابي بحضنك أفارق..هم وسواسي

وأبي حنانك وكلماتك .. تغطيني
من مقدم الرجل لين اخر شعررأسي

وأبي أحس بشعور ٍ منك يكسيني
عطف ومحبه وحنان ٍ ..دون مقياسي

يمه كبرت وكبر هم الزمن فيني
ومن لوعة الوقت..قلبي عايش يقاسي

محتاج حضنك .. أمانه لاتلوميني
محتاج ..اعاود طفوله..كلها أوناسي

برّجع الوقت وانسي اللي معنيني
يومي صغير..وحنانك ..ماليءً كاسي

يمه ذكرت الزمان الماضي بعيني
ماضي الطفوله السعيده وروعة إحساسي

كم كنت أضمك وكم مره حضنتيني
وكم نام راسي على صدرك وهو ناسي

وكم كنتي تبكين من فكر يبكيني
وكانت عيونك .. فداك القلب ..حراسي

وكم كانت مناك دايم بس تشوفيني
احلى وأنظف " وليدن ".. بين جلاســي

وياما .. وياما سهرتيلي تواسيني
لأونست ضيقه .. وزار الهم..مجلاسـي

وكم كان حضنك عن الخلان يغنيني
وكم كان عشقك لفرحي ... ماله قياسي

الله ياذاك الزمان ...شقد يحيـيني
ليته يعود وتعوووود...أفراح ..وأماسي

ياليتني ماكبرت .. ولاقسى ليني
وبقيت طفلٍ همومه .. لعب.. وأكياااسي

يالغاليه جيت لك .. شوقي يقديني
كبير .. لكن بقربك.. يصغر إحساااااسي

يمه يايمه .. أنا وليدك .. تحبيني
أدري وربي .. ولكن .. بقهره .. يــأسي

بحطم الحزن فيني..وأقهر سنيني
وبقول للهم .. "ياقلب العنى" ... ناسي

بنسى عذابي بحضنك .. لاتهديني
من بعد حضنك...يزيد الهم .. هوجاسي

لاتتركيني .. وضمي يديك ليديني
لمسة كفوفك .... تبدد ... قسوة أتعاسي

أبي أعاند زماني وظلمه الشيني
وأبي بقربك ...أرده ..عني .. الخاسـي

ياأعز ناسي وياكل الكون في عيني
ياملهمتـني المحبه ,,, وصيت نومــاسي

يفداك عمري وروحي وكل مغليني
ويفداك كلي ..وأنا .. من رأسي لساسي

ياأغلى غرام ربى داخل شرايني
وياأعذب شعور ٍ سكني..وياأجمل إحساسي

الله يرحمك يمــــــــه رحمة واسعه ويغفرلك
وأبوي ويسكنكم فسيح جنانه / سلطانه

[عزف الحقيقة]

سلطانة

..

جميلة لايكفي فالأم مكانتها عالية وقلب كبير.

أماه ..

ياتوصية الله

في القرآن

يانبع عطاء

يتدفق في الوجدان

لم ينضب يوما

ولم ألمس فيه الخسران

...

سلطانة رحم الله والديك واسكنهم

فسيح جناته

مودتي لك

[سلطانة الغيد]

اقتباس:  المشاركة الأصلية كتبت بواسطة عزف الحقيقة     سلطانة .. جميلة لايكفي فالأم مكانتها عالية وقلب كبير. أماه .. ياتوصية الله في القرآن يانبع عطاء يتدفق في الوجدان لم ينضب يوما ولم ألمس فيه الخسران ... سلطانة رحم الله والديك واسكنهم فسيح جناته مودتي لك

عـــــــــزف الـ ح ــقيقـــهـ

صدقت ياأخي مهما ابدع الشعراء ونظموا من بحور الشعر
معزوفه يلحنها الأبناء لم يوفوها حقها
هي نهر من الحنان متدفق لا يُرتوى منه
ويكفي ماقال عنها الكريم سبحانه في حقهم
ربي يعنني وأياك على برهم
**********************************
آمين آمين آمين ربي يرحمهما كما ربياني صغيرا
ويطول بعمر والديك ويعينك على برهم
شاكره اخي الكريم أضافتك الرائعه

شـــــكري وتقديري لك على الحضور المشرف
والأضافه .......................

[المستشارَ]

الله يرحمها ويغفر لها يارب

شكرا لك على هالمشاعر ي سلطانه
وفقك ربي

[سلطانة الغيد]

اقتباس:  المشاركة الأصلية كتبت بواسطة المستشارَ     الله يرحمها ويغفر لها يارب شكرا لك على هالمشاعر ي سلطانه وفقك ربي

المستشااار

اللهم آمين
جزيت الجنان ورؤية الرحمن على دعواتك لوالدتي
العفو ياأخي المبارك
واتبع الشكر منك بشكر مني
الحضورك الكريم المتصفحي
المتواضع
وربي يسعدك ويحقق امانيك
لاهنت

[ملكه بعز الخوالد]

[ALIGN=CENTER][TABLETEXT="width:70%;background-color:black;border:4px double red;"][CELL="filter:;"][ALIGN=center]
الأحرف تختنِق بِها الأنفاس بِذكِرها ..
كم هو الحرف صَادِق هُنا
رحمهم الله رحمة واسعــــــه




[/ALIGN][/CELL][/TABLETEXT][/ALIGN]

[عمآآآد]

جمييييله جدا
أشكرك

[سلطانة الغيد]

اقتباس:  المشاركة الأصلية كتبت بواسطة ملكه بعز الخوالد;[font=comic sans ms     الأحرف تختنِق بِها الأنفاس بِذكِرها .. كم هو الحرف صَادِق هُنا رحمهم الله رحمة واسعــــــه [/align][/cell][/tabletext][/align][/font]

ملكتـــــــي
نعم تختنق الاحرف وتموت
عند ذكرها
اللهم آمين ربي يرحمهما كما ربياني صغيرا
وربي يرحم والدك ويطيل بعمر الوالده ويديم نورها
مضيء في جنبات منزلكم
اسعدي بوح قلمك لاعدمت طلتك

[سلطانة الغيد]

اقتباس:  المشاركة الأصلية كتبت بواسطة عمآآآد     جمييييله جدا أشكرك

عـــ م ــــــآآآآد

ويكتمل جماااااال القصيده
بمرورك اخي الكريم
لاهنت
ال1000 شكر لشخصك اخي

[حـــكآآيـة رجــل]

سلطانـه ...
لا حروف ولا اسطر
تخونك المشاعر عن التعبير
مذهله ..
لاهنتي ..

[سلطانة الغيد]

اقتباس:  المشاركة الأصلية كتبت بواسطة حـــكآآيـة رجــل     سلطانـه ... لا حروف ولا اسطر تخونك المشاعر عن التعبير مذهله .. لاهنتي ..

حكــــــــــــــآآية رجل

تقف الأحرف صامته
آماااام نبع الحنان المتدفق
فهي إناء ينضح بالعطاء الكثير
ولا تأخذ إلا القليل

ولاهنت اخي الكريم على المرور الرااااااقي
الف شكر لشخصك الفاضل

[ميمي نايس]

سلطانه ابدعتي شكرا لك !

[سلطانة الغيد]

اقتباس:  المشاركة الأصلية كتبت بواسطة ميمي نايس     سلطانه ابدعتي شكرا لك !

ميـــــــــــــمي نايس
يكتمل أبداعي بحضورك
الجميل

نورتي غلاي