مقاطعة ( نعومي) ...

[سهاد]

لاتحلفوووون علي خلاص من اليوم اعلنت المقاطعة ،
عرفنا ان السعودة جيدة ودعم للشباب ،، وقلنا نحن معكم ياشبابنا والله يرزقكم .. لكن مااتفقنا على كذا ؟؟؟!!
لا ابداً مااتفقنا خخ ،،،، الواحد يحترم نفسه ويحدد مكان مناسب له ،، سعودي على العين والراس ومن علو قدرك ومكانتك بعيوننا نقول لاتنزل نفسك لهالمستوى ،،،،
نعومي .. ادخله واول مااسمعه من جماعتنا اهج ،، والله ياانا قلت له جب لي كذا !!!! او اقلب القطع وهو واقف !!!
عيب والله اللي يصير شوفوا لهم صرفه والا مااطب على المحل خير شر وترى بتخسررون افضل زبائنكم

وساعتها لاتقولون وين زبائننا تراي حذرتكم ،،

[دِيم]

لاحد يدخل نعومي الحين برد الله يعفو .. *_*

[bant tamim]

ههههههههههه ياعمري ايه معاك استحي بس اشتري مااطلع عارفه ليه!!! لان الشباب الحين تفتح صار يعرف ويشوف شي انتي ماتشوفينه وتعرفينه صحيح اول نستحي من اي شي لانهم(ع وجيههم)بس الحين الله يستر منهم ههه نصيحه خوذي غرضك وانتي تتبسمين بس انتبهي اذا جيتي تشترين لاينتقد ع اللي شريتيه يقول يااااقدمه ويوريك الاخ شي احسن من اللي شريتيه كذا يضيع وجهي وان شافه مره ثانيه خخخخخخ

[عذبـــــة]

المشكلة مو انه يترزق الله بهالمكان
المشكله لامن اخترتي قطعه وجلس يمطمطها قدامك ويقولك لالا هذي مو مقاسك يبي لك اصغر شوي عشان تطلع احلى
ولا شوفي الموديل هذااااك بيطلع عليك روعه لأن مقاسه مناسب
يالله عاد دوري وجهك بين البيجامات والله ان يضيييع ولا تلاقينه الا عند هرفي بقسم المطاعم
المشكله لو شكله يساعد كان اهون شوي
بس القذلة اليابسه من المريتو شاقصه على الكتوف ويتميلح مسوي انه فنان بهالامور هذي ماااحد يقدر يبلعها بتاتاً البتّه .ّ

[العريف]

اقتباس:  المشاركة الأصلية كتبت بواسطة عذبـــــة     المشكلة مو انه يترزق الله بهالمكان المشكله لامن اخترتي قطعه وجلس يمطمطها قدامك ويقولك لالا هذي مو مقاسك يبي لك اصغر شوي عشان تطلع احلى ولا شوفي الموديل هذااااك بيطلع عليك روعه لأن مقاسه مناسب يالله عاد دوري وجهك بين البيجامات والله ان يضيييع ولا تلاقينه الا عند هرفي بقسم المطاعم المشكله لو شكله يساعد كان اهون شوي بس القذلة اليابسه من المريتو شاقصه على الكتوف ويتميلح مسوي انه فنان بهالامور هذي ماااحد يقدر يبلعها بتاتاً البتّه .ّ

الشرهه والله مهيب عليه !

الشرهه عليكن أنتن ! اللي تكتفون بالصمت والسكوت مما جعله يستمرئ هذا العمل لعله يلاقي من تطلب ذوقه في تلك القطع وربما أشياء أخرى ! ( و أجزم أنه سيجد ) !

والدليل لو كان معها رجل .. ماتجرأ ينطق بهذه العبارات أو يبدي رأيه !


لو الوحده منكن اذا قال لها نفس هالحكي .. قالت له بصوت عال / وش دخلك ! أنا ماطلبت رأيك .. أنا قلت لك جيب القطعة الفلانية وأنت ساكت .. وظيفتك هنا بائع فقط تسلم القطع وبس و ليس مصمم أزياء أو مسوّق .. قولن له / ماحد طلب رأيك ونعتقد ان هذا محل وليش مشغل للتصميم وإختبار التناسق و الإستشارة عن أحدث الموديلات !



قوموا بـ ردة الفعل هذه ,, ولتكن بحدّة وصوت عال يسمعه من حوله !


وسترون النتيجة !

سواء كآن سعــــودي أو بنقالي أو حَمَص

[قـتـالـه]

الحين الحريم يستحن يشترن النعوميات من موظف سعودي
بس ماعندهن مشكله بقلة الادب واستعراض عباياتهن الفاضحه
قدامهم !

اقول الله يكثرهم
وقسم جتن حراره يوم قالوا يبي يأنثون هالمحلات

اقتباس:  المشاركة الأصلية كتبت بواسطة العريف     قوموا بـ ردة الفعل هذه ,, ولتكن بحدّة وصوت عال يسمعه من حوله ! وسترون النتيجة !

كل ذا ستر !
خلهن يمشن بالاسواق مشية الاجوديات
ويقصرن نظراتهن اللي تقل ملاخس سعالوا
ماوقفت على مفاصل ابو قذله يالباوه يترزق الله ..
بعدين ياخي خلهم يعاونونهن
انت تدري ان نصهن مايختارن المقاسات صح
فساتين الزواجات علشانها تفضح والله ياانا اشوف العجب العجاب
من طريقه لارتدا النعوميات مايعرفن للمقاس خير شر
وابو قذله تراه قبل مايوقف ورا طاولة نعومي
ماخذ دورات بالمقاسات ومترادفاتها بكل الماركات
ويعرف يساعد ازين من تكهنات ربايا اللسيب بمقاساتهن

[شمووخ اثنى]

اقتباس:  المشاركة الأصلية كتبت بواسطة سهاد     لاتحلفوووون علي خلاص من اليوم اعلنت المقاطعة ، عرفنا ان السعودة جيدة ودعم للشباب ،، وقلنا نحن معكم ياشبابنا والله يرزقكم .. لكن مااتفقنا على كذا ؟؟؟!! لا ابداً مااتفقنا خخ ،،،، الواحد يحترم نفسه ويحدد مكان مناسب له ،، سعودي على العين والراس ومن علو قدرك ومكانتك بعيوننا نقول لاتنزل نفسك لهالمستوى ،،،، نعومي .. ادخله واول مااسمعه من جماعتنا اهج ،، والله ياانا قلت له جب لي كذا !!!! او اقلب القطع وهو واقف !!! عيب والله اللي يصير شوفوا لهم صرفه والا مااطب على المحل خير شر وترى بتخسررون افضل زبائنكم وساعتها لاتقولون وين زبائننا تراي حذرتكم ،،

مشكلة
هذة المحلات يبيلها ثانيث وليس سعودة
ومتى يانثونها لحجت البقرة على قرونها

[العريف]

اقتباس:  المشاركة الأصلية كتبت بواسطة قـتـالـه     الحين الحريم يستحن يشترن النعوميات من موظف سعودي بس ماعندهن مشكله بقلة الادب واستعراض عباياتهن الفاضحه قدامهم ! اقول الله يكثرهم وقسم جتن حراره يوم قالوا يبي يأنثون هالمحلات كل ذا ستر ! خلهن يمشن بالاسواق مشية الاجوديات ويقصرن نظراتهن اللي تقل ملاخس سعالوا ماوقفت على مفاصل ابو قذله يالباوه يترزق الله .. بعدين ياخي خلهم يعاونونهن انت تدري ان نصهن مايختارن المقاسات صح فساتين الزواجات علشانها تفضح والله ياانا اشوف العجب العجاب من طريقه لارتدا النعوميات مايعرفن للمقاس خير شر وابو قذله تراه قبل مايوقف ورا طاولة نعومي ماخذ دورات بالمقاسات ومترادفاتها بكل الماركات ويعرف يساعد ازين من تكهنات ربايا اللسيب بمقاساتهن

جزء من كلامك صحيح

لكن مهما كان

الموضوع حساس .. وسالفة هذا احلا عليك .. وهذا مب مقاسك ! وهذا موضة قديمة !
مابقى إلا يقول ألبسيه أشوف هو حلو عليك أو لا !


قتالة

تأنيث المحلات يحفظ للعاقلات الغافلات جزءاً من كرامتهن .. ولتكتفي اللاهثات خلف إغراء الرجال والترزز بنقاباتهن و عباياتهن بباقي المحلات فكلهن رجآل !


بعض الحريم ما يزهى لها الشئ الا من يد رجال !

ولا تهون سالفة الولادة !

أهو تمرّد بخبث .. أم عدم ثقة ببنات جنسها وقبل ذلك بنفسها !


سالفة عصر الأجسام داخل تلك القوالب القماشية في الأفراح ربما هو محاولة الإيحاء للآخرين بأنها ليست بذاك السمن الذي يجعلها ترتدي الواسع ومايستر سؤآتها !

وليتها لم توح بذلك .. فقد صارت مسخرة للعيّارين أمثالكـ

اقتباس: وقسم جتن حراره يوم قالوا يبي يأنثون

يمكن من الحماس وتفاؤلك بحصولك على وظيفة لممارسة هوايتك تحت غطاء التأنيث

[فسقــان]

وشو نعومي ...!
مافهمت الكلمه وحطيتين بخيار صعب ( الا ليش الناس يقولون خيار وراه مايقلون بديجان او قرعه )
الحين مصدقنا خبر نعرف معنا كيوت ... تجينا كلمه جديده اسمه نعومي ..
الا صدز وشهي ماعرفته

[قـتـالـه]

اقتباس:  المشاركة الأصلية كتبت بواسطة العريف     ولا تهون سالفة الولادة ! أهو تمرّد بخبث .. أم عدم ثقة ببنات جنسها وقبل ذل بنفسها ! سالفة عصر الأجسام داخل تلك القوالب القماشية في الأفراح ربما هو محاولة الإيحاء للآخرين بأنها ليست بذاك السمن الذي يجعلها ترتدي الواسع ومايستر سؤآتها ! وليتها لم توح بذلك .. فقد صارت مسخرة للعيّارين أمثالكـ يمكن من الحماس وتفاؤلك بحصولك على وظيفة لتمارسي هوايتك تحت غطاء التأنيث

وشي سالفة الولاده علمن مابي يفوتن شين

العاقلات الغافلات على قولتك مايضرهن ان اللي يبيع سعودي
تاخذ اللي هي تبي وتنحر الكاشير
لاتسك حنك وهو ماراح يغصبها يمطمط الملابس قدامها :|
وياخي انا وحده ماابي الا التعامل مع الرجال
الحريم لو هي بوابه بالميقات لعنت جدفك
ينقصهن الكثير من ادبيات التعامل
اذكر مره قلت ياقتاله جربي (مملكة المرأه) ببداياته
اغديتس تلقين اللي تبين واول مافتحت فمي بحاكي
البائعه الوطنيه الداكنه قالت هلا قلبي
ويصيرن اذوني حارات وحمر من الخجل المبغوث بوناسه
قلتلها ابي نعوميات يسون كذا ... لاني متعوده على كذا ...
قالت شوفي الانواع قدامك حبيبتي اختاري نوعك المفضل
واشوي تجي الاردنيه تمشي ترليون قالت هان ماركة كذا
وهونيك ماركة كذا بس انتي عطيني مقاسك العام وانا اوريك اللي يبهرك ويخليك تعيدين النظر بالموديل الفلاني

لا بالله خل عيالنا يترزقون الله يالباهم
يالله لاتغير علآآآآآنا بس

* تقل اللي بالاحمر ذب علي او انا صايره رهيفة احساس

[العريف]

قتالة

أقصد بالولادة .. طلب بعض الحوامل بأن يولّدها رجل وليس أمرأة !



و حاشاك من الذب - تجديع الحكي -

فهمك كفاية




فسقان

( نعومي ) محل مشهور وماركة عالمية لبيع الأتاري و كمبيوتر العايلة !

[فسقــان]

اقتباس:  المشاركة الأصلية كتبت بواسطة العريف     فسقان ( نعومي ) محل مشهور وماركة عالمية لبيع الأتاري و كمبيوتر العايلة !

تراي اسال من صدز وعن جهل .. وانت تجي تنكت .. الله يهديك بس

[شميساوي]

*.


المفروض مقاطعته من زمـــآن ...!!!

اي و الله ,,, ليش يوظفون سعوديين يمطط الملابس قدامك و يعطيك رأيه بهن ..!!!

المفروض أنه يفصل أو ينقل تأدييبي لـ تشليح سيــآرات ..!!!

أبتلي مقاطعه لـ نعومي الين يجيبون عــآمل لبناني أو سوري أو بنقالي

اللي خبري خبرتس ما عنهم غطى ,,, ولا هم ذكور أصلن على تفكيركم يـ النســـآوين ...

الحمد لله و الشكر ....


*.

[دِيم]

اقتباس:  المشاركة الأصلية كتبت بواسطة .* شُمَيْســآَوِي *.     *. المفروض مقاطعته من زمـــآن ...!!! اي و الله ,,, ليش يوظفون سعوديين يمطط الملابس قدامك و يعطيك رأيه بهن ..!!! المفروض أنه يفصل أو ينقل تأدييبي لـ تشليح سيــآرات ..!!! أبتلي مقاطعه لـ نعومي الين يجيبون عــآمل لبناني أو سوري أو بنقالي اللي خبري خبرتس ما عنهم غطى ,,, ولا هم ذكور أصلن على تفكيركم يـ النســـآوين ... الحمد لله و الشكر .... *.

مادري وين قليلين الأدب اللي هن يقولن ..
كل شوين أدخلهن بكل مجمع أروح له .. > من باب حب الفضول .. *_*
واللي فيه يصير واقف بعيد .. خصوصاً لاصار معي وحدة من البنات ..
وما أحس إن فيه تطفل فيه أو خفقة ..
+


سهاد افرضي قاطعتيهن منين تشترين ملابس ني ني نيني .. هه ..؟
لأن كل المحلات المعروفة ب هالشي فيها عماميل مزايين *_*


إلا إن كنتي تبين تروحين للأسواق الداخلية ف هذا شيء آخر .. لأن هناك تبي تلقين أبو يمن .. ولسانة اللي لايفتر عن الكلام والعيون التي لاتفتر عن النظر *_*

+ اش هالبروبليم اللي مسوينه وهو ولا شي .. !
يدخل معك زوجك أو خطيبك واشتروا اللي خاطركم فيه واطلعوا .. إذا كنتِ مرة متأزمة من الوضع .. *_*

[رحّــال]

الله يذكركم بالخير يازبده لورباك وكرافت وكيري وغيرهم
من البضايع الطيبه ...
إلا وش صار على مقاطعة منتجات الدنمارك ..؟
للحين فيه ناس مقاطعين منتجاتهم .. وإلا رضوا عليهم

ياصاحبة الموضوع
يفترض تكتبين فوق وباللون الأحمر تعريف ( نعومي )
بدل مانجلس نحوس بين الردود نحاول نعرف ايش هو نعومي ,,

مازلت اتساءل ليش البنت تخجل في تعاملها مع السعودي
والعكس ليش الرجال يخجل في تعامله مع السعوديه ..
أذكر قدر الله علي وجتني اصابه بالفخذ
رحت لدكتوره مصريه وكان عندها ثلاث بنات سعوديات الظاهر انهن يتدربن ...
المهم قالت الدكتوره ورنا اصابتك .... ألتفت على صفة البنات اللي عندها واستحيت
قلت ماراح اطلع شي ... خلي البنات يطلعن برا وبعدين نتفاهم !!
وطبعاً طردتهن وماحصلهن شرف مناظر فخذي المصاب ,,


أجمل مافي كلامك أنه ذكرني بموضوع لعبدالله الحلوه
اذكر كان يقول ليش الواحد في ديرته يستحي من بعض التصرفات
واذا سافر لاي مدينه زال عنه هذا الحياء ,,,