جرحتني وجرح المشاعر ترى غير !!!

[كروومه]

جرحتني



جرحتني وجرح المشاعر ترى غير



حتى الجروح لاشك ما هي سويّه



دام افترقنا يالله عسى خير



ما كل مكتوب علينا بليّه



ما كان ودي تجرح القلب وتسير



ولا كان ظني تقتل الحلم فيّه



كثرة صدودك والبعد والمعاذير



ما عاد خلت للسوالف بقيّه



ياما عطيتك من صباحي تباشير



وأخلصت لك بالقلب حب ونيّه



كان اعتقادي لو حصل يوم تقصير



تبقى مشاعرك الوفية وفيّه



واللي طلبته قلت لك تم ويصير




ما كنت داري إن موتي بيديّة



صدق المشاعر صابه اليوم تغيير



كل شي تغير فيك والله عليّه



دايم أدور للهجر منك تبرير



وأقول يمكن جاك منّي خطيّه



حتى خيالي مالقى فيك تفسير



أروح وارجع باليدين الخليّه



رفعت قدرك وارتضيتك عن الغير



فيما مضى كنت بزماني هديّة



واليوم ردي مايبي منك تفكير



هو باقي أردى من حياتي الشقيّة




اتمنى ان تنال اعجابكم

[بدرالوابلي]

من هو اللي جرحك ياكروومه ؟ < لاتحرج البنت !

[عزف الحقيقة]

جرح المشاعر نعم غير

..

جميلة ياكروومه

[∫•قيود من حرير∫•]

كلمات أليمه,,
سلما لنا ذوقك ,,
دائماً مبدعه بختيارك..

لكِ الشكر..

[المستشارَ]

قصصيده رائعه..
لاهنتي على المججهود
وسلامتك يارب من الجروح َ.

[كروومه]

اقتباس:  المشاركة الأصلية كتبت بواسطة بدرالوابلي     من هو اللي جرحك ياكروومه ؟ < لاتحرج البنت !

اسأل الي كاتبه هو المجروح ياابدر انا نقلته لكم !

بدر الوابلي شرفت قصيدتي :d

[كروومه]

اقتباس:  المشاركة الأصلية كتبت بواسطة عزف الحقيقة     جرح المشاعر نعم غير .. جميلة ياكروومه

الجميل مرورك اخوي عزف الحقيقه وشرفت متصفحي !

[كروومه]

اقتباس:  المشاركة الأصلية كتبت بواسطة ∫•قيود من حرير∫•     كلمات أليمه,, سلما لنا ذوقك ,, دائماً مبدعه بختيارك.. لكِ الشكر..

المبدع مرورك وتشريفك غاليتي دمتي بوود !!

[كروومه]

اقتباس:  المشاركة الأصلية كتبت بواسطة المستشارَ     قصصيده رائعه.. لاهنتي على المججهود وسلامتك يارب من الجروح َ.

يسلمك ربي مشرفنا المستشار شرفت !

[نــف نــف]

لجرح آلمشآعر أكثر من طريقه .. وكل وآحده آصعب من آلآخرى ..
عوآفي

[كروومه]

اقتباس:  المشاركة الأصلية كتبت بواسطة نــف نــف     لجرح آلمشآعر أكثر من طريقه .. وكل وآحده آصعب من آلآخرى .. عوآفي

الله يعافيك مشرفتنا الغااليه شرفتي !

[النهـــار]

كروومه..

من السهل جداً .. جرح مشاعر الآخرين ..

ومن الصعب ..جداً .. مدواتها .. ببساطة .. لأن الجروح .. تتر ك ندوب ..

في اعتقادي أن المجروح سيضمد جرحه .. بطريقة واحدة .. هي الابتعاد عن الجارح .. لمدة مؤقتة أو دائمة ..

شكرا لنقلك الراقي كروومه ..

تحياتي

[كروومه]

اقتباس:  المشاركة الأصلية كتبت بواسطة النهـــار     كروومه.. من السهل جداً .. جرح مشاعر الآخرين .. ومن الصعب ..جداً .. مدواتها .. ببساطة .. لأن الجروح .. تتر ك ندوب .. في اعتقادي أن المجروح سيضمد جرحه .. بطريقة واحدة .. هي الابتعاد عن الجارح .. لمدة مؤقتة أو دائمة .. شكرا لنقلك الراقي كروومه .. تحياتي

النهار الف شكر على كلماتك لرائعه وتشرفت بمرورك !!