ودِّي أمُوتْ .. اليُوم ... وأعيش باكر

[كروومه]

ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!


ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي


وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي


شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي


وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني


ومِنْهو مِنْ أهلي ف العَزا كان حاضر
ومِنْهو دعى لي في " صلاته " ورحمني


ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني


ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟


ومِنْهو يرتِّب .. غرفتي .. / والدفاتر
وإن شاف ( صوره ) لي صاح وحضنِّي


يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي


خايف يروح العُمْر .. وأكُونْ خاسر
وإن طار طيري .. ما يفيد / التمنِّي


وخايف يجيني وقت : أكْسِر خواطر
إن دارت الدنيا .. وزماني كسرني


ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني


الضيق وافي .. والحزن حيل وافر
والجرح أكثر شي .. شفته يحبني


عايش وميِّت بين .. ماضي وحاضر
والصبر [ مفتاح الفرج ] ضاع منِّي


قل وش تبي وتتركني يا حزني آمر
مسكين فرحي / تصدِّق إنَّ وحشني !!


( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي !!




راااقت لي

[المستشارَ]

احب هالقصيده كثييييير

لاتوفيك الاشاده فقد احسنتي بالاختيار
الف شكر كرومه

[|كيـــرلا..]

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

أبيات أليمه ,,
تفكير الشاعر يبي يشوف ردة فعل اللي حوله وذكرهم بهالموقف وهالسالفه ..
واكيد نظرة اللي حوله نظرة عطف وتفكير !!
يعني قدر يخليهم يفكرون فيه والمعنى بقلب الشاعر من المقصود فيه ..

كل الشكر كرومه على اختيارك وانتقاءاتك المميزه ..

[نــف نــف]

صح ذوقك كرومه ..
عوآفي

[شوكولاته بنات]

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟


رائعه جدآآآ كروومه تسلميين غلاااتي على الابياات الجميله لاعدمنااك

[ămōяẻ]

قصيدة روعة

بس ممكن قايلها

جازت لي اووي

[كروومه]

اقتباس:  المشاركة الأصلية كتبت بواسطة المستشارَ     احب هالقصيده كثييييير لاتوفيك الاشاده فقد احسنتي بالاختيار الف شكر كرومه

والف شكر لك مشرفنا المستشار على المرور !!

[كروومه]

اقتباس:  المشاركة الأصلية كتبت بواسطة |كيـــرلا..     يالله عسى .. ما تغفى كل المشاعر ويالله عسى .. ما ينصِدِم يُوم ظنِّي أبيات أليمه ,, تفكير الشاعر يبي يشوف ردة فعل اللي حوله وذكرهم بهالموقف وهالسالفه .. واكيد نظرة اللي حوله نظرة عطف وتفكير !! يعني قدر يخليهم يفكرون فيه والمعنى بقلب الشاعر من المقصود فيه .. كل الشكر كرومه على اختيارك وانتقاءاتك المميزه ..

وكل الشكر لك اخوي ليون على مرورك على متصفحي !!

[كروومه]

اقتباس:  المشاركة الأصلية كتبت بواسطة نــف نــف     صح ذوقك كرومه .. عوآفي

وصح كلك مشرفتنا الغاليه نف نف !

[كروومه]

اقتباس:  المشاركة الأصلية كتبت بواسطة شوكولاته بنات     ومِنْهو عشاني : طُول الأيام ساهر ..! ومِنْهو ثلاث أيَّام .. راح وتركني ..؟ رائعه جدآآآ كروومه تسلميين غلاااتي على الابياات الجميله لاعدمنااك

الرائع مرورك شكشك ومنوووره غلاي !

[كروومه]

اقتباس:  المشاركة الأصلية كتبت بواسطة ămōяẻ     قصيدة روعة بس ممكن قايلها جازت لي اووي

الروووعه مرورك اخوي عموري {اضنه لشاعر الكويتي احمد الصانع ّ