♥♥الله يوفــق مثـــلك ♥♥

[- msk ✩]

الله يوفق مثلك الله يخليـه ## كإنك نويت التخلى والبعد وياه

غالي ولك بالقلب شي ومخفيـه ## أكبر من اللي بالضماير تقواه

في غيبتك قلبي ترى الهم صاليـه ## وسهرت ليلي بين ونـه وويلاه




البارحـة طيفك مع الليل أحاكيـه ## يشهد علىّ الليل والنجم يصغاه

فكرت ويا الليل مبدع قوافيـه ## مسحوب طرقي والقوافي تقفاه

والحزن فوق القلب والهم مقفيـه ## وليلي غدا ليلين والصبر مقواه




أكتب شطر والشطر الآخر نجاريـه ## شاعر تحده والليالي توطاه

أجزل بيوت الشعر وحكم معانيـه ## ولاهزيل القاف واضح ثناياه

ياللي حرقت القلب منهو يطفيـه ## النار نار تتعب القلب وحشَاه




ما نسيت اللي بيـن الناس نغليـه ## ولاعاد بـه شي لي إلا طرياه

تلقىَ زمانى قاصرات لياليـه ## هذا الصحيح وتدمع العيـن فرقاه

أمسٍ وقبل البارح القلب أهنيـه ## أمسىَ مع الفرحـه وصبّح بفرحاه




في شوفتك أفرح مع اللحن أغنيـه ## وطيفك يسلي كل طرقٍ بمغناه

قلبي كثير اللي من الناس ترجيـه ## وأنا الذي قلبك من الناس يرجاه

أسمع صدىَ صوت المعنىَ بتاليـه ## أضحك وأقول الله يعين الذي تاه




العقل راس المال وشلون ألغيـه ## في ذكر ربٍ عالي الناس تخشاه

تـوكلت على من خلق محمد وحاميـه ## الواحد القهار ربٍ عبدناه

وختام قصيدي عِد ماهب ذاريـه ## على النبي الذى الله إصطفـاه




دمتــــم بحفظ الله .. تقبلــوا إحتــرامى وتقديــرى

أختكـــم فى الله .. الشقردييييه

[البارق]

[align=center]

اقتباس: قلبي كثير اللي من الناس ترجيـه وأنا الذي قلبك من الناس يرجاه

راق لي هذا البيت وأطربني

سلمت يمينك شقردية
وسلم لنا إبداعك وروعة ذوقك[/align]

[اخت الياس]

سلمتي والله
وذوقك روعة زيك


لا عدمناك

[- msk ✩]

اقتباس:  المشاركة الأصلية كتبت بواسطة البارق     [align=center] راق لي هذا البيت وأطربني سلمت يمينك شقردية وسلم لنا إبداعك وروعة ذوقك[/align]

سلم راسك البارق }..

الاروعـ طلتك ـأخوي }..

[- msk ✩]

اقتباس:  المشاركة الأصلية كتبت بواسطة اخت الياس     سلمتي والله وذوقك روعة زيك لا عدمناك

سلم راسسك }..

الاروعـ طلتك }..

لا خلآ يالغلآ ..

[جُـودي]

رائع
يعطيييك العافيه

[- msk ✩]

اقتباس:  المشاركة الأصلية كتبت بواسطة جودي بريده     رائع يعطيييك العافيه

الاروعـ طلتك }..

عافاك ربيـ }..