يامصاحبه في ليلك المظلم النوح
................ شيلي مع أحلام السهارى لحونك
****
وأجيك شاعر من ورى الحزن له روح
..................غاوي العذاب اللي يرفْ بجفونك
****
ياغاليه شاعرك يقراك بوضوح
................ في جلستك في بسمتك في سكونك
****
لاتكابرين الصمت يطغى على البوح
............... يحكي سوالف عن خفايا طعونك
****
في عينك أسرار وحكايات وجروح
............... والليل ماخذ من ملامحك لونك
****
مثلك بعيني يشبه كتاب مفتوح
................. واقرا تفاصيله بداخل عيونك
****
رغم البراءه داخلك شي مفضوح
............. وإن ماحكيتي.. للملا يفضحونك
****
من بعدها وش عاد لو قلت مسموح
.............. وأنتي اسيره للزمان وظنونك
****
يموت قلب ٍ من عنا الوقت مذبوح
.............. وكل أمنياتك بالفرح ينتهونك
****
ايه اضحكي وابني من احلامك صروح
......... ...وسيري على درب السعاده بهونك
****
مشتاق أهاجر مع لياليك ونروح
............. . لأبعد مدى ونغادر أحزان كونك
****
يمكن اشوف البسمه بثغرك تلوح
.................وكل الأماني لا ابتسمتي يجونك
****
حتى الورود لْـ يا ابتسم وجهك تفوح
.................. تهب ريحه ويتوشح غصونك
****
هذا انا عايش ولي بالهوى روح
.............. رحال عشق وسافرتْ به عيونك
الروووووعه مرورك اخي البارق شكرلك
العرض العادي
