[OVERLINE][/OVERLINE][OVERLINE][OVERLINE]
على ذكرى العائلة المفقوده ب نفود الصحراء
وماطرح مؤخرا من حكايات مؤلفه كالافلام
كتبت هذي للمرحومه من القلب[/OVERLINE][OVERLINE][/OVERLINE][OVERLINE][/OVERLINE][/OVERLINE]
[OVERLINE][/OVERLINE]
ايه انتي
كل ماجيتي على بالي بكيت وماكتفيت
...مااكتفى دمعي حنين...
اشتعلت
واحترقت
وايه ندمت
* * * * * * * *
كل مااذكر باانك كنتي بحاجه الينا
..واحنا نضحك..!
واحنا نومى..!
واحنا مانسمع صداك
فز قلبي يرتجف
(**ويتخيل**)
وقتها ش كنتي تقولين..
من تمنيتي يجي
وش دعيتي
واللي معك... كيف ضميتي ضلوع احزانهم؟!!
كيف صرتي امهم؟!!!
كيف نمتوا
و من ينام بين رجليك النحيله
وريقك اللي كل لحضه يودعك
ولونك الشاحب وهذيك الجروح
من ذكرتي مننا
من تخيلتي باانه يوصلك
* * * * * * * *
على فكره شفتي ثوبك..
ذاك اللي اخذته منك
كم لبسته بعدك ابكي..
"وماانام"
هو الحين مع امي
لا تخافيــــن
باخذه بغفله مثلها وارجع واحضنك
* * * * * * * *
اربع سنين بجمرها ماتكلمت
كل مااشوفها عيون امك
ابكي داخل داخلي وانزف ارق
بعدك امك سكر الدنيا تعبها
بعدك امك الزمن اعطاها ظهره
اختك صار فيها وفيها
وحتى اخوك
...بس مانسوك....
مانسوك حتى اخوك
اصغر اخوانك سالته مره عنك
كانت عيونه تقول انتي امه#
* * * * * * * *
حتى ذيك اللي روحه انتي روحه
يومها انفجرت علينا
..كنا نبكي وكانت تصرخ لك الم..
هي قالت لي عنك قبل نسمعها منهم
قالت لي انها شافتك
كنتي تزورينها وماتركتيها تنام*
خوفها, تفكيرها,
كنت أطمنها وااقول:
انك انك بكرى يمكن بترجعين
ودايم اوعدها ب أنك بكرى يمكن ترجعين
وأصدقت وانا كذبت
ايه ليالي اخلفت بك وعدها
حتى انتي اخلفتي وعدك
..ليه قلتي بترجعين ومارجعتي..
* * * * * * * *
بزواج اخوك كنا بك* متأملين*
انتي شوي وتدخلين
......... ومادخلتي.........
كنت اصفق واتصلبك وقالو اسمك وكنت اصفق
"يومها انتي ش كنتي تقولين"
كنا نرقص فيك عنك
وانتي دمك كان يرقص بك الم
"واحنا كنا غافلين"
يومها انتي ش كنتي تقولين
* * * * * * * *
سامحيني وسامحيهم ..ماقصدنا ترحلين
ماتعمدنا ننام تحت الغطاء وانتي السماء لك غطاء
ماتعمدنا الغداء نرمي بقاياه بعجل
وانتي بطنك والتراب
ماتعمدنا ابد اترك الصنبور وانسى
وانتي عطشى وانتي عطشى
(....واحنا كنا غافلين....)
* * * * * * * *
خوذي دمعي وارتوي
خوذي صمتي واصرخي
وارجعي
ايه ارجعي!!
* * * * * * * *
.....ربــــــي...
اتعبتني نفسي
....ربـــــــــي ...
كل ماقلت ابنسى زاد جرحي
ربــي... اغفرلي ماقدرت
ربــي أأومن بالقدر...ربــي ادري بالقضاء
ربــي ...ضعفي مارضى
لا تنسيني ياربي مايهم ..
بس ياربي طلبتك اعفو عني ....لابكت عيني حزن
ولااخنقتني الذكريات ثم سكت
و...تجاهلت اهلي
* * * * * * * *
...ربــــي...
"اجعل هالناس تنسى"
خلهم ينسون جرحي
...ربــــي...
لايكتب بعدها قصه اخرى
لايتردد اسمهم فلسان اخر
ولا اسمع بعدها عنهم
ولا اتهرب واقفل الجوال وابكي
وابكي دمع
وابكي دم
وابكي صمت
واتلعثم
اخ ياصحرا النفود
* * * * * * * *
نحترق والعالم تغني علينا
ياسوالفهم اكتفينا؟؟؟؟
لو تناسينا
وربي مانسينا
مانــــــــــــسينا
ربي اجعلهم بجناتك ينعمون
العرض العادي
