السلام عليكم ورحمة الله وبركاته
تحز في خاطري هذه القصيدة وانا رجل كيف لو كنت إمراءه لبكيت دما
ياليت كل البنات تسمع هذه القصيدة وتحس بإحساس هذه المسكينة
بليلة برد وبرق ورعد من خوفي بكت عينـي
ولا أحد يحـس فينـي أنا من لي أنـا وينـي
يايمه ليـه تركتينـي بـلا حـس يدفينـي
يايمه هانت دموعـي يايمه هانـت سنينـي
يادنيـا وينهـا أمـي ليـه يايمـه تعافينـي
أنا ولـدك أنـا أنتـي أنا ياكيـف تنسينـي
أنـا شسويـت يايمـه أنا شذنبي أنا شفينـي
أنـا غلطـان يايمـه أنـا ياكيـف بعتينـي
ياليتـك جاهلـه يمـه وبإيـدك وأدتيـنـي
ياليتك قبل ما أحيـى أنابجوفـك قتلتيـنـي
أنـا شسويـت يايمـه أنا شذنبي أنا شفينـي
يايمه أحلـف بربـي دعاء منـك يحمينـي
يايمه ياترى وحشتـك مثل ماأنتي وحشتينـي
يايمه وينهـا عيونـك من دموعي تواسينـي
يهون عليـك يايمـه بـلا أسـم تخليـنـي
أنا ساره أنـا نـوره أنـا كيـف بتنادينـي
أحـس ببـرد يايمـه أبي صـدرك يدفينـي
أحس بخـوف يايمـه أبـي قلبـك يغطينـي
أنـا شسويـت يايمـه أنا شذنبي أنا شفينـي
حملتيني وسط جوفـك وللوحـدة رميتيـنـي
وكنت أسمـع صـدى نوحك يوم أنك ولدتيني
أبد ماهانت دموعـك يـوم أنـك بكيتينـي
يايمه أسألي سجـودي بأعلى الصوت يدعيني
يايمه أسألي ركوعـي من حالـي بيرثينـي
يايمـه أسألـك أنتـي الى يومـك تحبينـي
يهون عليـك يايمـه بثوب العار تكسينـي
يهون عليـك هالعالـم لقيط الـدار يسمينـي
يايمه سامحـك ربـي يـوم أنـك شقيتينـي
يايمه سامحـك ربـي يـوم أنـك خذلتينـي
يايمه سامحـك ربـي على مـر جرعتينـي
يايمه أنتي مـو أمـي أنا أمي مـا تخلينـي
ياأنتـي أيـه ياأنتـي أبي تنسـي عناوينـي
وأبـي تنسيـن يـوم أسود يوم أنك ولدتيني
وكل يومي أنا بدعـي لباس الصبر يكسينـي
وأنا مؤمن برب الكون خلقنـي مايخليـنـي
وأنا مؤمن برب الكون خلقنـي مايخليـنـي
العرض العادي
