يا رفيف الماء .. و فجر العيـد .. و أحـزان الموانـي
يا أكثر أهل الأرض طيبـة قلـب .. و أسـرار دفينـة
المكان اللـي هنـا .. مليـان ضحكـات .. و أغانـي
و الكلام اللـي بغيـت أقـول .. يحتـاج لسكينـة !
شوفي الركن البعيـد هنـاك .. كنـه صـدر حانـي
هـذا هـو اللـي يليـق بشاعـر .. و بنـت حزينـة !
أنسـي الشـارع .. و عتمـات الزوايـا .. و المبـانـي
هاتـي يدينـك .. نلـف الغيـم و نشـكـل مديـنـة !!
عنـدي الليلـة كـلام و صمـت .. و أخـاف الثوانـي
تظلمه .. أو تظلم اللـي فيـه كـم ضاعـت سنينـه
بـس .. لازم تسمعـيـن الـلـي أبــي .. ولا تـرانـي
لو أبعيده لك .. نسيت .. و رحت أقول اللـي تبينـه
شي واحد قبل ما أبـدأ .. مـا أبـي أي شـي ثانـي
يخطر فبالك .. وأنا أكشف لك شعـور تجهلينـه !
إن أنا .. و بكـل مـا تحملـه " أحبـك " .. مـن معانـي
كنت و راح أبقى أحبك .. لين .. مدري وش هو لينه !!
بـس والله ما قـدرت أنسـى .. ولا همـي نسـانـي
لا ذكـرت إنسـان .. فيـه أسـرار ما بينـك وبينـه
كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـرّة مـن يديـنـه !
أشعـر إن عيونـك.. الله مـا خلقهـا إلا عشـانـي
كيف كانت تبتسم لـه ؟ قولـي إنـك تخدعينـه !!
صورة إنه كـان يمسـح دمعـك .. تزلـزل كيانـي
و كيف كـان يلـم شعـرك .. و يتبعثـر فـي يمينـه
حتى إسمـك يـوم رحـت أدللـه .. حظـي رمانـي
بنفس الإسم اللي يقـول .. بذمتـك ماهـي غبينـة ؟
و كنـي اللـي .. كـل مـا أناديـك بالإسـم الفلانـي
أطلـب النسيـان .. يتـرك منـه شـي تذكرينـه !!
لا تظنينـي أنانـي .. لا .. أنـا ما نـيـب أنـانـي
لو سلمت من الغرق باموت فـي ظهـر السفينـة
يا إني ما أكمل و أعانـي .. أو أكمـل ثـم أعانـي
كل ما أسمع طاري إسمه أو تجي عيني في عينـه
أيـّنا كان الضحيـة ؟ و أيـّنـا اللـي كـان جانـي ؟!
مـدري ..! و لكـن قـراري .. لازم إنــك تقبليـنـه
مثـل مـا أكـره فكـرة إنـه .. واحـد ٍ ياخـذ مكانـي
ما أقدر أجلس في مكـان إنسـان .. كنتـي تعشقينـه
||
فهــد المساعــد ,’,
العرض العادي
