.. حديقة الرفيعه و الهيئه ..

[الخالديه]

.. بسم الله الرحمن الرحيم ..
السلام عليكم ..


.. حديقة الرفيعه و الهيئة ..

أنآ كنت رآيحه لحديقة الرفيعه مع أخوي وامي نمشي بالممشى الموجود .. والصرآحه الممشى مليآن شباب مررررررررره ومانقدر ناخذ راحتنا بالممشى ونمشي شوي ونرجع نعكس الطريق لأننا نبي نتفادى الشباب وبينما كنا نمشي كان جمس الهيئه يمشي موازي لنا ووقف ونادى على أخوي وقاله إعكس الطريق وحنا طبعاً مالنا إلا أننا ننصاع لكلامه ومشينا ومن القهر ركبنا السياره ورجعنا البيت
والمشكله أنه هالحديقه للعوايل موب للشباب
ليش الهيئه توقف البنات وتقولهم إعكسوا الطريق عشان الشباب وهي للعوايل على هالحاله موب قادرين نمشي أبد وحنا ماصدقنا على الله طلعت هالحديقه مستانسين فيها
وليش ماتقول للشباب هذي حديقة عوايل والعوايل لهم حق أنهم يمشون
وبعدين فيه حدايق كثيره مخصصه للشباب ولا يصير فيها عوايل يعني ليش يجون يزاحموننا
والقهر انهم يطالبوننا نعكس الطريق وبكل جهه شباب وين نمشي بالله !!
حنا مقدرين للهيئه هالشي وانها تحاول تمنع الفوضى في البلد

وأتوقع أنه المفروض يمنعون الشباب ويخلونها عوايل بس
حنا لنا حق أننا نمشي بدون مضايقات بعد

[فركي]

السلام عليكم ورحمة الله وبركاته ............................................









انت معك حق العوايل لهم اولويه اكثر من الشباب
وهنالك مضامير لي الشباب


والله يهدي شباب المسلمين

[ولــد نعمـة]

اسأل الله أن يشد من أزر الهيئة ويقوي عضدهم فهم بعد الله حماة الدين والفضيلة
أما قولك لماذا رجعوكم فمن المفترض أن تتباهي بذلك لأنهم يريدون بذلك حمايتك وأهلك من الذئاب البشريه المتواجدون هناك فهذا والله من غيرتهم عليك وعلى عفافك فالمفروض ان تشكرين لهم صنيعهم وتشدي من أزرهم ... وتعلمين ويعلم الجميع أن درء المفاسد مقدم على جلب المصالح

اسأل الله ان يستر عليك في الدنيا والاخرة......

تحياتي

[فديكا التميمي]

لا والله صااادقه عارفين مايقصرون والله يجزاهم الف خير بس المفروض اصلا الحديق تسور
مثل الحضاااري علشان الواحد ياخذ راحته حرام والله تقعد مساحته كبيره وتوسع الصدر بس الشباب بكل مكان المفروض يروحون لحقت الشماس حلوه ومضماره حلووو
ليش يزحمون الخلق مير هم جايين يبون البنات واضحه والا الممشى بكل مكان,,
الله يهديهم بس

[سلمان99]

السلام عليكم

المشكلة ان الهيئة عندهم تعليمات ولا يستطعون تجاوزها من جهات بالمنطقة بعدم الدخول للحديقة يعني مابيدهم حيلة الله يعينهم لذلك هم يحاولون تقليل الضرر على مرتادي الحديقة وخاصة النساء بطلب منهم تجنب الاحتكاك بالشباب قدر الامكان .

تحياتي

[» R O S E «]

أوومـآآ الحـديقـه هذي موجـوده عندنـآ ببـريدهـ

والله تـوي أعـرفهآ لوووووول

[شموخ أنثى]

الله يجزاهم خير الهيئه ويكثر منهم
ليش الوحدة منا تزاحم الشباب وتمشي ماحد الله

[الخالديه]

اقتباس:  المشاركة الأصلية كتبت بواسطة شموخ أنثى     الله يجزاهم خير الهيئه ويكثر منهم ليش الوحدة منا تزاحم الشباب وتمشي ماحد الله

يآخيتوو السآلفه موب أزآحم الشباب
أنآ أحب أمشي بس مآفيه مسآحآت أقدر أمشي فيها حتى بحديقة للعوايل مآلهم حق يجون هم يزآحموننا

[قاااايد الريم]

امشى ببيتك احسن لك

[عبدالله صالح العميريني]

اختي الخالديه

لونك ترتبين بيتك ومطبخ واهلك بيدك ماحتجتي للمشي .

الله يصلح الاحوال

[الخالديه]

اقتباس: امشى ببيتك احسن لك

لآ والله
اوول شي انا ما مشيت لحالي معاي اخوي
وبعدين سالفة انه البنت مالها إلا البيت لا حرام هي انسانه نفسك

[الخالديه]

اقتباس:  المشاركة الأصلية كتبت بواسطة ابو صالح 7     اختي الخالديه لونك ترتبين بيتك ومطبخ واهلك بيدك ماحتجتي للمشي . الله يصلح الاحوال

ياخوي الي تقوله ما له شغل بالي انا اتكلم عنه بعدين هذي ممكن تكون هوايه والحديقه ياناس للعوايل يعني لازم يكون هنالك مراقبه للشباب الي يدرون لحالهم يعني ما ناخذ راحتنا باي مكان مو معقوله حتى حدايق العوايل الشباب يدخلون لها ليش الهيئه ما تمنع هالشباب حرام الحديقة زينه ومرتبه حرام الواحد ما يجيها بسبتهم وانا ودي انه يوصل كلامي للبلديه ولكل واحد له خص في هذا الموضوع والي عنده اي رقم البلديه ارجوو انكم تعطوني اياها لأني ودي اكلمهم و اشنكي من الي يسير

[الخالديه]

اقتباس: اختي الخالديه لونك ترتبين بيتك ومطبخ واهلك بيدك ماحتجتي للمشي . الله يصلح الاحوال

يعني ما يمش إلا اللي محتااج لا مو دليل
انا احب امشي كذا ووش دخل بيت اهلي

[رجـ شموخ ــل]

[align=center]بقولك شي اختي

اي شاب الاماندر ماراح يتعرض للبنت وهي تمشى حتى لو كانت لوحدها بس بشرط تكون محتشمه في لبسها يعني لا عباة كتف ولا نقاب وحركات اغراء وتاكدي ماراح احد يضايقك لو كانوا الشباب في كل مكان

ودمتي بود [/align]

[شموخ أنثى]

كلامك معقول (اخوي شموخ رجل) وجزاك الله خير ووفقك في الدنياء والأخرة