[align=center]على كف القدر نمشي نواكب دفة الأحزان
وما ندري عن الأيام وش تخفي لياليها.....
كتبنا كل خواطرنا في قصة بلا عنوان
خواطر في زمن غامض عجزت أفهم معانيها.....
ما بين الصمت والحيرة وذكرى لفها النسيان
بدنيا غير دنيتنا غريب كل ما فيها.....
ظروف الدنيا تقهرنا وتجبرنا على الكتمان
وفي الداخل ألم وجروح عن المجهول نخفيها.....
أخذت آمالي وجروحي أبوزنها على الميزان
وترجح كفة اجروحي ولا أقدر أداويها.....
وقلت ارسم معاناتي من الواقع من اللي كان
وأعاتب حظي الطايح والشكوى أعانيها.....
طفل شارد من الرحلة ويعلن صرخة الحرمان
يعيش الذل في أرضه والفرحة مخليها.....
فقد أمه فقد أخته يهيم بعالم الأوطان
يدور عن وطن مجهول باولها وتاليها.....[/align]
العرض الشجري