[align=center][size=4][color=#00008B]
يعيش الحب وش يعني..يموت الحب شي عادي؟!
مادام قلوبنا ماتـت مشاعرهـا .. وهـي حيـه
أحسـب لاجيتـه علـى كيفـي ... يطاوعنـي
(مغفل) من يعيش بهـا الزمـن أحـلام ورديـة
من أول ماعرفتـك تعطـي إحساسـك وتمنعنـي
وأقـول تمـون يانبـع الحلا...والحـب حنيـه
كثر ماكنت تكـذب فـي كلامك..كنـت تقنعنـي
دليل اني علـى كثـر الجفـا ...سلمتـك ايديـه
عشاني قلتلك: مابدخـل بهـا الجـو ..طلعنـي
تـروح وتاخـذ الدنيـا معاك..وتقطـع الجـيـه
مع اني قلت: اذا ماطاوعك الوقت الردي..طعنـي
واذا ماحيتنـي كلك..تعال..شـويـه ..شـويـه
لك الله يوم أحي مشتاق لـك والشـوق يدفعنـي
كـأنـي رايــح للـمـوت بيديني..ورجلـيـه
واعرف ان مر فـي بالـك تولعنـي ..تولعنـي
مادامه شي فـي بالـك ...تجيبـه ميـه بالميـه
وصلت لمرحلة...حتى الشعور العذب ..يخدعنـي
واحس اني على النية...وانا فعـلا علـى النيـة
بكملـك كلامـي ...بـس تكفـى لاتقاطعـنـي
بقـى جمـر الكلام..ودمعـه بالعيـن مخفـيـه
أمانه..قبـل أروح وينتهـي كـل شي..طالعنـي
عشان تعرف وش معنـى العطا...قبـل الأنانيـة
أبرحل..والطريـق اللـي يـودي مايرجعـنـي
يبـي يغنينـي الله عـن هـوا حبك...وطاريـه
خـذ البـاب بطريقك..والعـذر ماعـاد ينفعنـي
تـرى ماعـاد لـك قيمـة...ولا للحـب أهميـة
ومثـل ماتسمـع لعبـد الكريم..أبيـك تسمعنـي
وداعية...يـا آخـر ليلـة تجمعنا...وداعـيـة
..للشــاعر .. عطالله فرحان ..
العرض العادي
